أنا قبل سنتين كنت منزلة موضوع بهالخصوص و تضاربت أكيد الآراء و أنا أحترم كل من عارض أو وافق أو حايد .
أنا خلصت دراستي و للحين عندي النية بس حابة بعد أدرس هالشي بعقلي
فحبيت أوجه كلامي لكل المواطنات اللي مزوجين غير مواطنين لو كل وحده تعطينا لمحة عن حياتها
و بخصوص الأولاد كيف الوضع معاهم ؟ وشو تطور فقوانين الدولة بخصوص العيال
ولو وحده حابة ترسلي تجربتها ع الخاص حياها
وبالنسبة للأهل كيف وافقوا على هالقرار ؟
و بكون ممنونه لكل اللي يردون
مشكورين
العيال شو ذنبهم انهم يكونون بدون ويتبهدلون فكروا في حياتهم ومستقبلهم خاصة لما يكبرون
تخيلي بس هالموقف تقولي بنتي ماما ويانا بنات يدرسن محد كان يعرف انهن بدون ونشوف امهاتهن اين يسألن عنهن ويتابعنهن ومواطنات ولكن بمرحلة الثانويه بمدارس ابوظبي تكون حصص العسكريه اجباريه فقط للمواطنات وحزتها عرفنا ان كم وحده انهن مب مواطنات وامهاتهم متزوجات وافدين وانهن كانن يضايقن من نضرة بعض البنات لهن
وغير ان الولد والبنت يكونون بمرحلة الزواج شي ناس يستبعدون يخطبونهم ولا يعطونهم بناتهم
وايد امور بحياتهم تتأثر من هالزواج
ما يحب هذا الطالب حد يسأله عن جنسيته
ﻻنه شكله واسمه ينعرف أنه ما مواطن
تقول أمه انه صغير بس متحسس من الموضوع
وتقول انها مرتاحه مع زوجها بالرغم من غلا المعيشة
بس تقول خايفه على عيالها يوم بيكبرون
انا ما عندي فكرة كيف الوضع عند الزواج من شخص بجنسية عربية
بس اللي اعرفه و اعيش تجربته، ابدا لا تأمني في الرجــال
ما اقول عشان مب مرتاحة مع زوجي، الحمدلله حالنا حال أي زوجين
لكن اقول بتمر عليج اوقات بتتندمي ليش تزووجتي هالانسان
بتمر اوقات بتحتاجين الاهل وياج، وما بتحصلينهم اذا كنتي متزوجه بدون شورهم
لا توقفي ضد اهلج عشــان رجال، والله ما يستاهلون تبيع الوحده اهلها عشانهم
الحين ما تشوفين عيوب الشخص ولا اطباعه السيئة
بعد الزواج كل شي ببين..
موفقة ان شاء الله
الرسول صلى الله عليه وسلم قال ( إذا جاءكم من ترضون دينه وخلقه فزوجوه )
اذا اخلاقه عالية و عنده شهادة و يتحمل مسئولية و لا باني احلام عليج بهالزواج ليش لأ؟؟؟
مشكلتنا عادي انشوف الرجل المواطن يتزوج من .. و من.. و من …
و بنت البلاد من بياخذها ؟؟؟؟