مرحبا خواتي
ان شاء الله ناوية اسافر المانيا والنمسا لمدة اسبوعين
الصراحة ماعرف اي شي واول مرة بروح اوروبا
ياريت تساعدوني باختيار انسب الفنادق وكيف الانتقال من منطقة للثانية بالنسبة لرحلات السياحية وشو احسن المناطق الحلوة الي تنصحوني ازورها ؟؟
وجزاكم الله خير وفي ميزان حسناتكم ان شاء الله
ربي ايوفقج..
من وجهة نظري وتجربتي أحسن شي تأجرون سيارة وتاخذون معاكم النافيجيشن، ممكن تتنقلون بسهولة وعلى راحتكم، أو ممكن تستعينون بالقطارات. النمسا عندج أماكن وايد حلوة طبعا زيلامسي، سالزبورغ، كابرون، باد هوف جستن، ممكن تسيرين الزحليقة الصيفية، الشلالات، مصنع الجبن، بحيرات، عالم شوارفسكي يعني هالأماكن حسب انتوا وين بتسكنون وقربها عليكم. ألمانيا اذا في بتيلسون في ميونخ عندج طبعا الوجهة السياحية المعروفة المارين بلاتز، عندج الحديقة الانجليزية، بحيرة تيجيرنسي، بحيرة تشيلرسي….ورحلة موفقة وممتعة إن شاء الله
رحله ممتعه ان شاء الله
في اوروبا التنقل احسن شي بالسياره وتركبين جهاز النافيقيشن يكون اريح حقكم وتقدرون تسيرون اي مكان فيها وتردون مب لازم وقت محدد ،،
او بالقطار تتنقلون وتقدرين تسيرين فيه اي منطقه ،،
السكن في ميونيخ في شقق فندقية وفي فنادق على حسب شو تحبين
والسكن في زلامسي وكابرون والمناطق الريفية ارخص
ممكن تنزلين ميونيخ خمس ايام وعقب زلامسي والمناطق الي عدالها 5 او 6 ايام وتردين ميونيخ ليلتين قبل السفر وتردون البلاد
والسيايره تقدرين تأجرينها من شركات في المطار او من البلاد تحجزينها اون لاين
رحله سعيده
اللهم لاتجعلني بدار مضيعه