السفر للحامل

السلام عليكم …….. حبيت أسالكم عن سفر الحامل……….يعني في الشهر الرابع و الخامس……الي جد سافرت ..يا ريت تجاوبني على ها الاسئلة؟

هل لازم ايب موافقة من الدكتورة حق شركة الطيران؟
هل حسيتي بشي مزعج خلال الرحلة يعني مثل الضغط و غيره؟

و أشكر مقدماً كل الي بيرد علي

انا بعد ابا اعرف لاني ابا اسافر تركيا وريلي متخوف عشان البيبي انا بالخامس وانسى اسال الدكتوره بس ختيه من الافضل تختاري وجهة مدتها قصيره يعني ثلاث ساعات بالكثير عشانج ماتتعبين

انا سافرت و انا بأخر الرابع .. و كانت سفرتيه طويله .. من الامارات لين قطر (ترانزيت) و من قطر لين اسبانيا 8 ساعات بالطياره .. والحمدلله كل شي كان اوكي ..

اهم شي قبل السفر بيوم اتروحين للدكتوره و اتخلينها اتجيك عليج .. و اذا مافيج شي .. بتقولج عادي سافري ..
و عن الموافقه ما اعتقد مهمه .. لأن انتي بالخامس و ما اعتقد كروشتج كبيره عسب يلاحظونها .. الموافقه مهمه فالشهور الاخيره ..

و عن الاحساس .. عادي ما حسيت بشي غير طبيعي .. شرات كل مره يوم كنت اسافر و انا مب حامل .. يعني عاااااااادي ..

و ان شاء الله ما فيج شي بتسافرين و بتستانسين ..

و الله يثبت لج حملج و يسهل ولادتج ..:22 (5):

و السمووووووووحه عالقصور ..

فديتج عادي بالعكس هذيلا هن الشهور المناسبة للسفر..

عادة تقدرين اتسافرين وانتي مطمنة بعد ما اتمين ال3 شهور ..

وفالمطارات ما يطلبون منج تصاريح ولا تعهدات الا اذا كنتي فالثامن او التاسع ..

وانا ماحسيت بشي ..طبيعية كنت

الغلا عااادي اناا مسافره مره في الرابع ومره كنت في السادس ..بس بصراحه انا في السادس كنت رايحه ماليزيا وتايلند وفي الطريج يتنا مطبات هوائيه وكانت قويه شوي وانا وايد كنت خايفه وحسيت بشويه ضغط بس الحمد لله عدت على خير ..واتمنى لج رحله موفقه..

عادي الغاليه…انا سافرت وانا فالسادس وكرشتي يدامي واتسحب يمين يسار…خخخخخخخ
وشاورت الدكتوره وقالتلي لا وكيف وليش….قلت انزين خلاص ما بسافر….والله لبستها وما سويت لها سالفه…وسافرت …وقولو وين عادي …..تخيلو,,,,,,
طبعا انا من المنطقه الشرقيه…..يعني ساعتين تقريبا لمطار دبي….وبعدها من مطار دبي لين لندن ست او سبع ساعات مااذكر والله…ومن مطار لندن ترانزيت…يعني من مطار لمطار داخل لندن…ساعه فالباص….للمطار الثاني…..ومن المطار الثاني لامريكا سبع ساعات….خخخخخخ
عاد يلا تخيلو السالفه والحمال والتعب واللوعه لاتنسونها اوكي…..ههههه
والله اني تعبت بس مشيت السالفه لا احصل زفه من ريلي خخخخخخخ
الله ستر والحمدلله ابشركم ولدت في امريكا ويبت بنوتي الحلوه….وكل شي مر على خير….
ادري بتسألون ليش ولدتي اهناك…لاني رايحه مع ريلي امريكا ((((ملقوفه وتوني يديده ودلوعه))))
كان رايح دراسه سنه ورحت معاه
ولا يهمج وانتي فالسادس ولا الرابع عادي لا ضغط ولا شي..ونسيت بعد….تراني السنه الماضيه رحت ماليزيا وانا حامل بالخامس …..وبعد كانت الرحله عاديه والحمدلله….ولا كان في اي شي
والسموحه منج الغاليه