السفر ويا الاهل غير // و ويا الريل غير

السلام عليكم ورحمة الله وبركاته

خواتي انا سافرت ويا اهلي الكويت اكثر عن 5 مرات

بس الحين بسيرها ويا ريلي وهو اول مره يسيرلها

احس نسيت كل الاماكن اللي سرتلها قبل ههههههه

او انها كانت عائيليه اكثر حق اليهال

فــــ عطوني اقتراحاتكم لاماكن نسيرلها خلال يومين فالكويت
وتكون حلوه حق عرسان يداد

سافرت الكويت بس كانت سفرره عمل سرريعه جدا

ان شاء الله البنات مايقصرن وياج

وسفره سعيده بإذن الله

بالبركة عليج عنجهية
منه المال ومنج العيال

أنا باقترح لج أماكن … دايما ألقاها في اقتراحات البنات
لكن مب بالضرورة تكون عيبتني أنا !!!

الصراحة أحس في مبالغات وايد في وصف الأماكن
وما لقيتها بنفس الدرجة من الاستمتاع ..

أولا الفنادق :

أفضل فندق هو

فندق و منتجع جميرا شاطئ المسيلة
https://www.jumeirah.com/ar/hotels-re…hotel-and-spa/

منتجع خمس نجوم .. وايد حلو وراقي ..
عيبه الوحيد انه شوية بعيد ..
تقريبا نص ساعة من البلاد ، أنصحج به !

أما باقي الفنادق عادية .. أفضلهم :

1 فندق مارينا
https://www.marinahotel.com/

على الكورنيش وقريب

2 فندق ميسوني
https://hotels.findhotel.ae/EN/Hotel/…tel_Kuwait.htm

الأسواق :

1 الأفينيوز
أكبر مول تسوق فيه قسم أسمه "السوق القديم" حبيت هالقسم فيه عبايا وجلابيات وقهاوي شعبية

2 360
مول للتسوق لكنه ما فيه شي مميز …نفس محلات مولاتنا

3 سوق المباركية
سوق شعبي مفتوح بتلقين فيه مواعين وجلابيات وأشيا شعبية

4 سوق العربيد للجلابيات

5 سوق السالمية (أنصحج ما تسيرين له ما فيه شي مميز)
6 سوق شرق
7 مجمع الكوت
8 مجمع الصالحية
9 مركز الرايه
10 برج الحمراء التجاري

المطاعم :

أنا باكتب أسماء المطاعم اللي كل الناس ينصحون بها ويتعنون لها
(بس عن نفسي ما عيبني الأكل) :

1 فريج صويلح (شعبي)
2 بزة "شعبي"(عندهم فرع في الأفنيوز)
3 زوارة "شعبي"
4 مطعم ميس الغانم (لبناني) هذا الوحيد اللي عيبني أكله
لأنه مخصصين لكل يوم من أيام الأسبوع طبق خاص تحت اسم (طبق اليوم)
بس اعتقد انه عطلتهم الأسبوعية هي الأحد

5 في مطعم اسمه كاشونة البيت عيبني ديكوره بس ما جربته
تقدرين تقرين عنه في هالمدونه :
https://kaifii.com/2016/06/06/kashounat-albait/

6 مطعم دلق سهيل (بسيط وشعبي في سوق المباركية )
شوفي تقرير عنه على هذا الرابط:
https://kaifii.com/2016/02/28/dalag-suhail/

وفي موضوع جديم في المنتدى لقيت رد عضوة عن أسواق الكويت بالتفصيل :

المشاركة الأصلية كتبت بواسطة يمامة أيوب

جلابيات ودراعات كويتيه عندج مجمع العربيد في الفروانيه يا تشترين جاهز ياتفصلين

سوالف قمصان كويتيه اللينجزات عندج السالميه سوق المعلم ترا بعد فيه جلابيات لكن مب اللي تكون توومج …كبير وبيدور راسج لكن عندهم سوالف حلوه انا من اهناك اخذلي لبس لي ولعيالي حق كل الاوقات يعني بجايم فيه لبس للبيت وقت العصر فيه لبس طلعات ومناسبات فيه

سوالف الكشخه القو..
عندج مجمع النقره الشمالي اللي بحولي
عندج محلات في مجمع الفنار
مجمع المهلب اللي بحولي فيه كمن محل للقمصان الطويله حلوين
عندج مكان يسمون البلوكات محلات اقمشه وخياييط لكن اي موديل اتييبلهم يسوونه وبعد لفي فيه امور حلوه انتي بس قولي ابي اروح البلوكات

لا تنسين روحي سوق المباركية اهناك راح تلاقين كل شي رخيص من عطور ومكياجج واكسسوارات
وملابس واحذية تكرمين كل شي فيه
ومري محل الشمالي اخذي منه كيك قرص عقيلي وجبدة الفرس يميمي وعليج بالعافيه

بالنسبة لمنطقة السالمية في واااااااااايد محلات واشهرها الحوش هذا مكان يبيع جنط واحذية وبجايم وفي حذاله مجمع اسمه مجمع منيرة تلاقين فيه فاشن ميل هذا بعد بضعاته حلوة وفيه دراريع وبجايم وملابس طلعه
وتلاقينهم صوب مجمع المارينا مول وفي بالسالمية شارع سالم المبارك تلاقين محلات متنوعه كل شي يبيعون روحي شوفيهم

مجمع كويت ماجيك هذا فيه محلات حلوه للقمصان الطويله ميني جلابيات روعه

اما سووالف قمصان نوم عندج مجمعع الايوبي وسندس في حولي السرداب اللي تحت اشكال وانواع واشياء حلوه

وفيها مجمع بيروت فيه فاشن ميل حولي فاشن مل فيه كل شي لبس كبار وصغار

مجمع الفنار والمهلب وشرق حلوين بس غاليين

وأتمنى للعرسان زيارة ممتعة