بنات
انا عندي موضوع مستغربة منه
مادري هالشيء طبيعي ولالا
قلت بشوف رايكم؟؟؟؟؟؟؟؟؟
الصراحه قمت اخاف من
بنتي
عمرها 5 تقريبا كيجي 2
هي الوسطانية بين ولدين
دلوعه وايد وصياحه وراسها عصصصصصص
طبعا تغار من اخوها الصغير بو سنتين وسوالف الغيرة سوالف
خيالها واااااااايد وسيع ماشاءالله..
بس خيالها شوووو!!!
ها جتل هاااااااااا…ريال داس نونو بالسيارة!!!…حرامي ذبح الشرطي!!!
معلمه والبنات قصوا راسهم وريولهم وايديهم !!
طبعا انا دوم مستمعه وما اقوللها جذابه!!
وكلمت اخصائي نفسي
قالي عااااااااااااادي هاي خيالهاا وايد وسيع!!!
بس ليش هالعنف الله يعلم!!
مره حاولت تغرق اخوها الصغير في الحوض
ومره حاولت تخنقه ب واير!!
بنقول تغار..انا احاول هالفتره وايد اكثف الاهتمام فيهااااااا واخليها وياي اغلب الاوقات
بس الفترة الاخيرة
قامت تي حجرتي نص الليل
توعيني تقول حلمت جني يقصّج!!
او
حلمت سيارتج اندعمت!!!
احلامها تخوف!!!!!!
حتى لو ارقدها وياي في الحجره
عادي افتح عيوني
احصلها يالسه جدامي تتطالعني
كمن مره صرخت عليها
احس عمري بنجلط
افتح عيوني في الظلام ما اشوف الا هي يالسه جدام ويهي بكشتها تتطالعني
تخوفني الصراحه
الحدث الفرش
امس فليل مرقدتنهم في حجرتي تحت فارشتلهم
ما حسيت الا شيء يتحرك ورى ظهري ماعرف شو كانت تسوي والله
فزيت صديت شفتها يالسه وراي عالشبرية
تتطالعني مادري من الخوف والتخيلات حسيت بؤؤبؤ عيونها كبار
جان اكفخ راسها لا ارادي والله من الفزعه
قلتلها شوووووووو فيج شو تبين خخخخ طبعا انا يوم اخاف اعصب هع
قالت حلمت سيارتج اندعمت!!!
قلتلها انزين ارقدي ارقدي
الحمدلله
افلام اكشن خرابيط وجتل ما يشوفون
واغلب الاوقات اقرى عليهم قبل النوم
والقران شغال اكثر شيء
بس هل اليهال طبيعي يحلمون جي؟؟؟؟؟؟؟؟
وخيال العنف ها طبيعي؟
وحركاتها اخر الليل؟؟؟؟؟؟؟؟؟؟
انا خفت
علميها تقرا المعوذات كل يوم وترقي نفسها فالصبح و فالمسا
راقبيها اكثر
سولفي معاها
اعتقد حد فالمدرسه من البنات يقولها قصص تخوف او افلام شافتها
مثل يوم كنا نحن نسولف بالدس عن الجن وجيه ونحن يهال
ارقدي عدالها فالليل والعبي بشعرها قبل لا ترقد ودلعيها وقوليلها ليش تحلمين جيه شو تحسين
حاوريها كانها بنت كبيرة وخليها تعبر
الاطفال خيالهم واسع
بس مب جيه انزين
ذكرتيني في مسلسل اتابعه كل يوم اسمه criminal minds
اويه صصدق يخوف ترقينها بالرقيه الشرعيه ؟؟ خلي مطوع يقرا عليها واي والله لو انا بتخبل لانه شي صعببببببب بنتج جي وياهل وتصرفاتها صدق تخوف
فتره وبتعدي
بس عليج اتيبين كتب وقصص وتقرين معاها ركزي اهتمامها في سوالف بناءة
انا ولدي قد بنتج
سوالفه اخف عن سوالف بنتج بس اهو يسوي اكشن مع بنات اختي
يخمس فيهم
ف قمت احاول اخليه يركز ع شي ثاني
فترة وبتعدي بس خلج معاها وعليج بالمعوذات
ذكرتيني في مسلسل اتابعه كل يوم اسمه criminal minds
ازقرت المسلسل
بس بعد اتخرع سوالفهم
خلييها اتابع قنوات ثانية للاطفال دينية
ولا تركزي على موضوع العنف الي عندها وتفتحي عينها على شي تصدقه عقب
اقري لها قصص عن البنات الحلوات و اشياء تبهج النفس
اقريلها قصص قبل لا تنام