الصراحه بدون تعليق كما وصلني وشو رايكم؟

السلام عليكم .. بخبركم عن سالفه قبل شوي بطلت المنتدى فوصلتني رساله خاصه من احد العضوات
و اباكم تقرون الرساله و تعلقون عليها يعني الصراحه شو ها:

[اختي الله يخليج محتاجه مساعدتج الكهربا مقطوعة عنا اختي من حوالي 3 ايام والله وما عارفين ننام حتى من هذا الحر والله والمشكلة عندي اخوان صغار ساعدينا اختي الله يخليج وسددي عنا الفاتورة اليوم عسب يردون لنا الكهربا ولج الاجر العظيم عند الله تعالى بعطيج رقم الفاتورة لو تبينه اختي وراح انتظر ردج اختي باسرع وقت والسموحة منج على الازعاج اختي[/QUOTE][/COLOR]

شو تبوني ارد عليها الناس في حاله و هذي في حاله
بدون تعليق من صوبي…….هل هذا اسلوب يديد في التسول ولا شو

الله يعينها والله ..
احسني الظن يمكن صدق محتاية ..
ادعيلها اذا ما ترومين تساعدينها ..

..

مع احترامي لها أكيد .. لا تضمنين ..

و قوليلها الله يساعدج ان شاللهـ ..

الواحد ما قام يثق في أهله كيف الغريب .. !!

..

كيف الكهربا مقطوعه .. !! و داشه النت و تكتب رساله !!
كيف شغلت الكمبيوتر !! أو كيف شبكت النت اذا كان عندها لاب .. خ خ خ

شي ما يدش العقل ..

هيييه شي مايدش العقل!!!

ههههههههههه بطرانه .. يمكن عشان نكج ارسلت لج هههههههه

اذا اهي محتاجه صج الله يساعدها ان شاء الله .. وبعدين لو مقطوعه الكهرباا تقدر تدفع النص موب لازم كل الفاتوره وبيردون لهم الكهربا …
اللي لاحظته انها قالت بتعطيج رقم الفاتوره … موب انها طلبت فلوس …يمكن تكون محتاجه صج والله اعلم

عرفنا منو هي

بس الله يستر

><