الصرف بدبي

بنات الامارات كم تتوقعون سعر الصرف يوميا بدبي مع السيارة اللي مستاجرين اكل وتمشية انا وزوجي وبناتي صغار مع تسوق خفيف وكم اسعار المطاعم عندكم بالتقريب بليز لاتتاخرون

11 مشاهدة معقول ولا رد وش دعوى

حبيبتي صعب نعطيج الصرف اليومي لأنه كله يعتمد على الأماكن اللي بتزورينها وشو بتشترين بالضبط…
بس بخبرج شي الأكل في الإمارات يعتبر غالي نسبيا مقارنة بدول الخليج….
الوجبات في المولات من 28 درهم …36 درهم..وطالع للشخص
المطاعم المتوسطة ممكن تطلع لج الوجبة لشخصين في حدود 130 إلى 150 درهم
المطاعم اللي شوي اعلى مثل تشيليز وغيره نفس باقي دول الخليج
المطاعم الراقية من 400درهم ورايح لشخصين…ممكن تحصلي بوفيه في فندق بسعر مناسب بيطلع السعر اقل
بالنسبة لأيجار السيارة يعتمد انتي اي نوع مستأجره…والبترول هم غالي مقارنة بباقي دول الخليج
حطي في بالج انج بتصرفين….يمكن أكثر شي على الأكل….
أما التسوق الأسعار معقولة ونفس باقي دول الخليج…
معظم التمشيات بتكون في المولات مابتحتاجين تصرفين شي على الدخول
بس رسوم بعض الألعاب والأماكن الترفيهيه على سبيل المثل ممكن تكون شوي مرتفعة
مثلا سكي دبي اللي في مول الإمارات ….منتجع التزلج
الدخول للشخص البالغ ب 80 درهم وللصغار 75 درهم وتزيد الأسعار على حسب شو تبين تسوين هناك…

هذا اللي أعرفه وإن شاء الله الخوات مابيقصرون ….

مشكووووووووووووورة ياعيني