الصكوك الوطنيه

ا لسلام عليكم
اشحالكن بنات عساكن بخير وكل عام وانتن بخير
منو مشتركه يعني اللي حطت بيزات فالصكوك ^^
وكم حطيتي ؟؟
عني أنا أمس حطيت 27 الف وا ن شاء ا لله نربح المليون خخخخ وريلي حط 160 الف أكثر مني يعني فرصته بتكون أكبر مني أنا …
يالله اعترفن كم حطيتن ^^

انا مره فكرة احط..فالصكوك بس مادري ماتشجعت….
ابا تشجيع…..يعني…شو بستفيد..
وهل افضل اني احط بيزاتي فالصكوك..بدال ماهي بس فالبنك…والكرت عندي…

ابا اعرف اكثر ويمكن احط…لاننا انا وريلي…او بالاحرى ريلي…نجمع عشان نشتري بيت او ارض…
لانه القروض شكلها…..بعيده..تعبنا من الايجارات

شوفي الغاليه تقدرين اتحطين بيزاتج فالصكوك وبجربين حضج سبحان ربج ما تعرفين يمكن تربحين ترا الناس حظوظ وانتوا لا اتحطون كل بيزاتكم يعني مبلغ بسيط وبعدين تقدرين تسترجعين بيزاتح متى ما بغيني يعني ما رح تخسرين بيزاتج بترجع لج

أنا وريلي حطينا لبناتي بس حطيت شوي والحمدالله اشوفة بين فترة وفترة يزيد

انا حطيت مبلغ بسيط ومرة شيكت كم في حسابي استانست وايد لان حسيت ان زاد والحمدلله كذا مرة ربحت عندهم

الصراحة اشجع كل حد يحط

العام كنت حاطة 120 ألف..وربحت وياهم بس 500..بس الحمد لله أرباح آخر سنة يت 7000 وشوي

وهالسنة حاطة يمكن 50000 بس ما ربحت شئ لأن قبل في السحب عال 100 درهم..بس الحين ما شئ..بداله يسحبون أسبوعيا عالمليون

وعيالي كل ما أحصل لهم مبلغ..على طووووووووووووول الصكوك..حتى العيدية إلي يحصلونها في الصكوك