السلام عليكم،
خواتي أنا محتاجة حد يعلمني طرق الطبخ فال (الكوكر) لأنه سمعت يستوي أسوي عيش بالخضرة وأشياء ثانية والطبخ ماياخذ وقت، أنا كل ما أشتري الجهاز يتم مكانه وعقب أتبرع فيه حق حد من الأهل، عاد اعذروني وحليلي أنا مب وايد فالطبخ بس بمساعدتكم ودي أتعلم
جزاكم الله خير
انا اسوي فيه المحاشي
الطريقة يا ناااااااااااااااااااااااااااااااااااس
ربيعتي تسوي فيه الشوربات وتطلع روووووعه
بحسب خبرتي في السكن كنا نستخدم هاي الجدر الكهربائي عشان نطبخ كل شي … من العيش للصالونه… بس ياخذ وقت لانه الجدر لازم يسخن مب نفس لما تحط الجدر على النار… واحسه انظف واريح في الطبخ..
خواتي أنا أعرف أنه الجدر يطبخون فيه بس ممكن اللي فاضية منكم تتعنى وتكتبلي طريقة أكلة بالتفصيل لأني ماعرف أستخدم هذا الجهاز، يعني مثلا إذا بسوي عيش بالخضرة شو أسوي؟
وجزاكم الله خير ياللي تواصلتوا معاي
هو معاه كاس للقياس فمثلا اذا بتسوين كاس عيش حطي كاسين ماي واذا كاسين عيش
أربعه ماي يعني حسب ما انتي تبين تزيدين أو تنقصين ، طبعا لا تنسين الملح .
واذا تبين شويه زبده تخلي طعم العيش لذيذ ويتناثر وبس يوم بينضج العيش الجدر بروحه يسكر
ويتم على البخار عشان يتم حار بس لا تخلينه وايد على البخار حتى ما يجفف العيش .
واذا بتحطين خضره اسلقيها بروحها قبل شوي وبعدين حطيها مع العيش مع شوي ماجي
اذا تحبين .
وإن شاء الله الأخوات يفيدونج زياده ..
أربعه ماي يعني حسب ما انتي تبين تزيدين أو تنقصين ، طبعا لا تنسين الملح .
واذا تبين شويه زبده تخلي طعم العيش لذيذ ويتناثر وبس يوم بينضج العيش الجدر بروحه يسكر
ويتم على البخار عشان يتم حار بس لا تخلينه وايد على البخار حتى ما يجفف العيش .
واذا بتحطين خضره اسلقيها بروحها قبل شوي وبعدين حطيها مع العيش مع شوي ماجي
اذا تحبين .
وإن شاء الله الأخوات يفيدونج زياده ..