شحالكم عساكم بخير
انا بروح العمره يوم الجمعه
حبيت اسئل كيف اتعامل مع ولدى وقت الصلاه في الحرم هو عمره 6 اشهر
بكون بروحى محد معاى
تقدرين اتخلينة حذالج وعند شوفج وفي حزام يبيعونة في سوبرماركت داوود الي في المول وهذا الحزام تلفينة اما في ايده او على خصرة والطرف الثاني في ايدج ويوم بتعتمرين تقدرين تخلينة مثل الحامل يعني تربطينة على عمرج وتخلين الياهل يالس من جدام ………. بس يوم بتعتمرون سيروا في وقت مب زحمة عشان الياهل مسكين ما يستاذا من الناس وبعدة صغير الله يحفظة ودوم ادعي " استودعك الله الذي لا تضيع ودائعه" والله الحافظ والله يتقبل منكم ولا تنسينا من الدعاء .
سرت ويا ريلي وبنتي وعمرها 8 اشهر كانت
الحمدالله ابداا ابداا ما تعبتني يمكن انا الي تعبتها هههههههههههه
وقت الطواف ووصلنا متاخرين الساعه 1 الفير وكانت الحبيبه راقده في الطياره طول الوقت ونشت لمن وصلنا مكه مصحصه عدل
سرنا الفندق تسبحنا ولبسنا وتحركنــا .. كان ابوها الله يحفظه متعاون وياي وماقصر ساعدني واايد فيهاا
ولبس هذا مال البيبي كيري الي تنحط شراط الشنطه بس من قدام ووبنتي داخله اكيد فهمتي قصدي هع
وطافنا الحمد الله مافي زحمه وارتحنا وكانت بنتي مستانست تشوف الناس وما صاحت وعقب انا ساعدت ريلي وخديت بنتي عنه
وسعينااا شوي تعبت في السعي لان ما شاء الله المساافه شوي طويله واخر شي رقدت بنتي وثقل وزنهاا المهم خلصنا الحمد الله ووارتتحنا وقعدنا الين وقت صلاه الفير
وعقب لانها كانت تعبانه وراقده شوي صاحت لمن اذن وبدينا انصلي لان الصوت وايد عااالي واهي متعوده ترقد عالهدوووء
المهم كملنا وصليناا الفير
صلاه الظهر نزلنا وصلينا وحطيتها عدااالي وانا كنت على الزاويه اخر شي وفرشت فراشها وحطيت العابهاا تتونس فيها الين ماخلصت
واما صلاه المغرب والعشى صلينا في الاسترااااحه لان ماخده العربانه مالتهاا ووكانت فيهااا يالسه ابداا ماتعبت الحمد الله وكانت تشوف الناس وتنعس وترقد
وعقب المغرب تحركناا خلاص والله ايعييد هذي الاياام المرييحه اختي اتوكلي على الله والله يسااعدج ان شاء الله مافي شي تعب بس رتبي امووورج
وخذي كل شي يخص البيبي واذ انتي في الطايره مسافره احرصي انج ترضعين البيبي وقت الاقلاع والهبوط علشان ما تنسد اذووونه وييلس يباغم ويصايح علييج
هذا الي عندي واتمني اني افدتج حبيبي
انا خذيت الحزام الى ينربط باليد
ابا اسئل عن السبوح
انا بسافر يوم الجمعه العصر وافكر انى اتسبح بليل يوم الخميس الى مابكون فاضيه يوم الجمعه
الافضل اذا حد وياج وتتناوبون الصلاة
او تصلين ف الفندق عندهم مصلى يطل على الحرم