العناية بالطفل في الأربعين

اليوم حبيت أشارك ب موضوع ما ادري اذا بتتفاعلون وياه او ما ادري اذا اول مره ينطرح في المنتدى لان مثل ماتشوفون اني جديدة في المنتدى..
الموضوع خواتي عن الاهتمام بالطفل في فترة الاربعين والمشاكل الصحية التي تحصل للطفل او المعناة في تربية الطفل ، طريقة حلها والتعامل معها، التغذية في هذه الفترة…يعني كل وحده اتخبرنا عن تجربتها في الاربعين ويا البيبي
اتمنى ان ينال الموضوع اعجابكم

حبيتي حلو الموضوع بس لو تنقلي لنادي تربية الطفل يمكن تلاقي تجاوب اكبر ان شاء الله……….
انا بالنسبة لإلي ما في صعوبة بالاربعين عادي نظام الطفل ما بيتغير هو هو بس بيقل عدد ساعات النوم على ما اذكروبالنسبة للاكل حليب طبيعي ما بينعطى شئ البيبي بهاذا العمر اي اكل….
وبصير يتجاوب مع المجتمع الخارجي شوي شوي يعني بيبتسم بيطلع بيعرف امه…
يعني هذا اللي اذكره….من تجربي اتمنى اني اكون افدتك….

شكرا على التفاعل والله يقومج بالسلامة حبيبتي

هلا اختي ام بيسان ..الصراحة ما عرفت وين احط الموضوع بس قلت لأني حامل واتابع هذا القسم كل يوم احط الموضوع اهني…
اختي انا سمعت ان في الاسبوع الثاني يمكن اعطاء الطفل ماء وسكر ولمساعدة الام يعطى للبيبي حليب صناعي مرة واحدة ع الاقل في اليوم؟؟؟ واذا عندكم خبرة في الحليب الصناعي اي حليب اقرب الى حليب الام؟؟

يوم بربي بالسلامه ان شاء الله

بخبرج

الله يقومج بالسلامة حبيبتي

الأربعيين حسب الياهل..

انا عني ارتفع ضغطي في الأربعين كم مره من قلة الرقااد.. ماشاء الله على ولدي ليل نهار صياح فديت روحه..
عن الماي والشكر تقدرين تعطينه تقريبا من 5 او سادس يوم عالخفيف.. اينظف بطنه من الأوصاخ اللي شاربنها في بطن الام..

وتقدرين عقب اسبوعين او 3 اسابيع اتشربينه مثيبه او نعناع عشان الغازات.. بس بشكل خفيف يعني اتسوين النعناع مثلا بس ورقتين مغسولات عدل.. في ماي حار واتخلينه لين يستوي دافي.. وايد ايخفف عنه الغازات.. والغازات شي طبيعي في هالفتره لاتحاتين..

وافركي بطنه بزيت اللوز او زيت لقمان وتعالي اسمي اصوات الغازات عقبها وهو يطلعها فدييته.. وايد الصراحه ايخفف..

وبعد شووو امممم..

بالنسبه للرضاعه الأفضل الأفضل حليب الأم بسسسسسسسس.. لاتغلطييين غلطتي وتندمييين..
انا شربته كمن مره بس حليب صناعي لأني كنت عمليه ووايد تعبانه ومن عقبها خلاااااص موووول مايبا صدري لو كان ميت من اليوع ايصيح صياح بس يبا المرضعه.. لأنه المرضعه اسهل إلهم فعقبها يتعايزون ايمصون الصدر.. ونصييحه من اخت لاتغلطيين هالغلطه…. صدددق والله ندمانه…

وبالنسبه لج حاولي قد ماتقدرين ماتشربين غازاااات ابدااا لأنه على طول يوصل حق الياهل من حليب الأم.. وعقب انتي اللي بتتعبين وياااه.. كله صياح من الغازات..

وهاللي اذكره الحين.. واذا في خاطرج اي سؤال انا حاضره..

ومابا غير دعوووه من القلب انه اللي يحفظلي ريلي وولدي ويسهل علي الولاده واربي طبيييعي يااااارب