العّذرآء والشعر الأبيض – الجزء الثالثْ – " الصدمة " . . . ! ~

مساكن الله بالخير بنيات .^_^.

وجمعتكم الطيب والخير وأكثر

طبعاً الأغلب يذكر المشكلة من العنوان الغريب = )

وهذيل أول جزئين منها : –

(1)

https://forum.uaewomen.net/showthread.php?t=814261

(2)

https://forum.uaewomen.net/showthread.php?t=822498

أنا خـلال الأسبوعين الماضين من بعد النصايح المستمرة حسيت إني بديت استرد توازني
بنسبة 40 بالمية ، وبديت أتقبل الوضع واستوا نص نص ما يسيطر على معظم تفكيري
بصراحة كنت اهلك عمري من الشغل من الصبح الين فليل بس عسب ما افكر
وكنت ارتب جدولي بحيث يكون احتاكي في الشخص المعني قليل قد ما اقدر لكن كنت امرض وايد
وضغطي كان ابدن مب مستقر يوم طالع وايد ويوم نازل ومن أمس عقب الصدمة المفجعة احسه متخربط من الخاطر أما عن نوعية هالصدمة بتعرفون في نهاية عرض هذا الجزء .

أول شي بذكرلكم كذا موقف مروا هالفترة عقب لقائي الأخير وياه :

وكنت مـلاحظه انه هو تواصله اللي زاد بس قلت من باب انه الشغل اللي امبينا كثر فمن الضرورة انه يتواصل عسب شوف وين وصلت فكذا شغله ، في يوم من الأيام استأذنت الصبح لنه كان عندي موعد فالمستشفى اتصل فيني الصبح سلم عادي وجذه وقالي عن موضوع يباني اسويه ع الساعه 12 فقلتله انا بشوف لنه توني راده من المستشفى وبرد الدوام فما اعرف جان بيرضون اطلع المهم تم يبا يعرف ليش سرت المستشفى وقالي خلاص لا تسيرين الساعه 12 قلتله مب مستقر ضغطي فتم يقولي نصايح عامه وانتي بعدج صغيرة والخ الخ الخ وقالي ما اباج تتضايقين وتشلين فخاطرج ومن هالرمسه ، طبعا من عقب نصايحكم خذت انه هالشي من باب الذوق وهالاشياء يقولي هالرمسه في نهاية المكالمة قالي اباج باجر تيين إماراتنا في شغله بس بتأكد متى موعد الشغله بالضبط وبرد عليج فقلتله ان شاء الله ومر اليوم وما ترتب الموضوع فأجلناه .

الموقف الثاني كان يوم الجمعة فليل اللي قبل يومين من العيد ، في هاك اليوم كنا مرتبشين فالبيت
نبا نسوي سبرايس عسب عيد ميـلاد باباتي وكنا نخطط وين نخش الكيكة والهدايا وعماتي كانن متيمعات وهيك ، اتصل ع الساعه عشر ونص رديت بدون لا انتبه بس يوم سمعت صوته فزيت شويه ههههههههههه طوفو طوفو سلم وهيك وسمع الحشرة فقالي شكلج مشغوله قلتله هيه بخلص وبكلمك قالي خذي راحتج ، المهم خفت الربشة شوي فسرت حجرتي ودقيتله فسلم وهيك وقالي شكلج مشغولة وايد اليوم قلتله هيه شويه نرتب سبرايس للوالد عسب يوم ميـلآده فتم يقول منو قده الوالد بنوته بتدلعه اليوم ووصليله سـلام مني قالي عقب شي عن الشغل فقلتله ان شاء الله بشتغل عليه وهيك وعلى اساس خلصنا تم ساكت كانه بيقول شي عقب قالي عن موضوع عن الشغل بس وجاوبته وعلى اساس خلصنا لكنه تم ساكت عقب اثنى على شغله معينه في شغلي وتم يقولي ما شاء الله عليج قلتله شكرا ، عقب تم ساكت وتوقعته بيسأل عن شي بعد لكنه ما تكلم فقلتله تآمرني بشي قالي سلامتج ميلاد سعيد وسلمي ع الوالد قلتله يبلغ وسكرت عنه . بعد كنت مستغربة شويه لكن طنشت

عقبها يت فترة العيد ، وطبعا ما كان في تواصل ، لكن فالعايلة لاحظوا اني شوي متضايجة ، ثالث العيد تعبت وايد وكان ضغطي نازل بالقو فتقريبا قضيت نصه فالهوسبيتال وفليل كنا حاجزين برع شاليه فرحنا وشوي ارتحت نفسيا وغيرت جو ، ومن عقبها ردينا وخلصت الاجازة القميلة ، وحسيت اني بالتدريج بديت ارتاح واغير افكاري او أتأقلم وصارت تواصلات عملية وفكرت بها من هالناحية ،

نيي الحين للصدمة وما ادراكم ما الصدمة :-

شو تتوقعون ، عقب معاناة شهر تقريباً ومحاولة تأقلم وتعب وعذاب ولوعة ، ، ،

هذه الشخص طلع مب متزوج ، بتقولون كيف عرفتي ومنو قالج : أنا سمعته بأم أذني في لقاء الشغل المؤجل التقيته فيه يقول لشخصية معينة " أنا لو كنت متزوج مرتي بتطلقني "

هني أنا شلتني الصدمة بس هو ما انتبه اني سمعت او شفت او اي شي ، ويلست عقبها افكر انزين ليش يعني طول هالشهر انا عايشه فعذاب على الفاضي وتعبت على ولا شي ، يعني ويعني ويعني بصراحة ولا كلمة تقدر توصف شعوري واللي صابني من حزتها رديت البيت وتميت اصييييييييح وردتلي النفسية السوداء ، تميت استغفر واحاول استوعب ما رمت يومين وانا مواصلة فيهم

حالياً أنا متلخبطة لآخر مدى من اللخبطه ومب فاهمة شي ، شو الحل يا بنات ؟