حبيت اكتب قصتي عبست تتعظون وياريت اللي بعدها ما تزوجت ما تغلط هالغلطه واشكر صاحبة الموضوع الغباء النسائي لان فيه
نصحيه للبنات يتغفلونها
بدا قصتي تزوجت من 3 سنوات من انسان ما يحب الشغل يقعد شهرين وعقبها يتحجج بالمدير المهم بدايه زواجي كنت اشتغل وراتبي زين بس حملت استقلت ريلي يدري ان عندي بيزات بالبنك قعد وياي وقالي يبا يسوي مشروع بس ما عندها سيوله واباج تعطيني بردهن لج طبعا قبلها عطيته بطاقه فيزا 10 الاف بس وقالي وهو بيدفع للبنك مرة شهر اثنين ثلاث ما دفع كنت ارمسه كان يعصب ويقول ذليتيني الا هم 10 لو 100 الف شو بتسوي طبعا ما دفع انا دفعتهم نرد لسالفه المشروع قلته رمس اهلك يعطوك قال اهلي لا ابوي بيعصب بيعق على رمسه تم يتحجج قال انتي حرمتي والله بردهن وانا ما احب اشكي لغيرج وما اقول لغيرج قص على بكم كلمه قلت هاك بطاقه البنك كان فيها 50 الف قالي ما بيكفن هذا مشروع عطيته ذهبي من هلي وذهبي منه قالي بيعوضج ومن هالكلام وانا الغبيه صدقت مرة شهور وياني قالي يبا ييب عمال هنود وفلبينيه للمشروع وما عنده بيزات قلته كل اللى عندي عطيتك والله ما تم شي قالي كلمي اهلج عنده وبيعطونج وقولي لهم بردها والله وتم يحلف قلته استحي اشحت قال شو هالكلمه وعصب قلته عيب توني معرسه واطلب بيزات قال عادي انا بكلم امج وصدق ما استحي ودق على امي وطلب وعطته تم ابوي تم يترجاني وحلف بيردهن والمشروع يدخل ذهب على قولة طلبت من ابوي وعطاه ومرت ستوات المشروع ما دخل شي وما رد بيزاتي ولا بيزات اهلي وكل ما اقوله يقولي تعرفين وضعي والله ماعندي المشروع ما دخل شي بس اهله يعطيهم ويشتري لعمره ملابس وياكل من مطاعم وانا اهلي يبون لي ملابس حسيت عمري شحاته والله مصروف ما عندي حتي للطلعات ما عندي ادري اني غبيه وكلمة غبيه اشوي على بنات اباكن تتعظن لا تغلط وتعطن الريال وتقولن تقاسم حياه هذا مب تقاسم هذا غباء نسيت اقول بعد والله مع انه يدري اني فلست بس يطلب بيزات مني ويقولي شوفي ربيعاتج قسم بالله يابنات اني ما جذبت بشي وكتبت عسبت تنتبهون تغلطون غلطي
اختي انتي مش غبية انتي طيبه والله راح يعوضك ان شاء الله
وانتي الحين عرفتيه على حقيقته لا تعطيه ولا درهم وخليه يروح يشتغل
ماعرف شو اقولج والله
بس حبيبتي هذا مو غباء طيبة قلبج وثقتج فيه
الله يعوضج خير
وفي ريياييل مثل ريلج وييهه لوووح مايستحي واعطيتيه وييه ومسخها والسبب انتي معطتينه وييه المفروض توقفينه عند حده وانتي لازم تدورين وظيفة وان شاء الله تحصلين
ها مش حقه
ولا ريال اخره