بخبركم مشكلتي قد يكون مضخمة الموضوع بس متضايقة وايد منه
وهي ………….
بنوتي عمرها سنةو9 شهور
بس وايد عنيدة وماتسمع الكلام واذا ما لبيت لها اللي تباه تضربني وتقرصني
مع انه محد ضربها ولا قرصها للحين وهي الطفلة الوحيدة في البيت واذا اقول لها شي تقول لي اووووس وتحط صبعها على شفايفها وهالحركة يدتها تسويلها عسب جي تعلمت منها بس ابى اعلمها انه هذا غلط بدون ضرب او صراخ دلوني كيف اعلمها الصح من الغلط
ومن يومين متعلمة اذا نقول لها جيبي الريموت او اي شي تفره علينا ما تعطينا في ايدنا
بصراحة متنرفزةمنها وااااااااااااااااااااايد
ساعات اتضايق من هالحركه وساعات اقول صغيره لو اقولها عيب او اسوي عمري معصبه منها عادي عندها لانها ماتفتهم ..
الله يعينا على تربيتهم ..
هاي شراات تاتامي بنتي و بنفس عمرها بعد مواليد شهر 7
هالمواليد تجي عنيدين و ما يسمعون الكلاااام
انا عندي اختها اكبر منها ماشاء الله عليها ما تعبتني و عبالي انه كل اليهال تجي ..!!
لغاية ما يتني ..الصغيرة فديتها و قلبت حياتي ..كله تضربنا و تضرب اختها و تعض بعض و عضتها قوية
واااايد تسبب لي مشااااكل ..!!
و إلا تاخذ الشي اللي هي تبغيه ..كسرت لي صحون المطبخ و التلفزيون ..و عضت اختها و الخدامة
و تصيح بالليل شرات النهااار و جريئة ماشاء الله عليها عادي تنقز من اي مكان مرتفع ..!!
====
لكن من فترة شو سويت اتبعت معها مهارات التشجيع ..يعني عطيني الريموت ماما ..!!
تفر قبل احينه صااارت تعطيني بايدي ..لني اقووولها منو الشااطرة اللي بتييب الريموت
و امسك شي هي تحبه بأيدي و اقولها عطيني هذا عشاان تحصلين على هذااا ؟؟؟
و تجي بدت شوي شوي ما بقووولج تغيرت لا طبعا ..بس على الأقل نوعا ما ..!!
وفديتج لا تلومين على عمتج …!!! عادي انا اماية ياما كنت اقولها تعلمين بنتي تجي و تجي
ومرات تعصب علي تقول انزين احينه الحركة اللي سوتها منو علمها انتي والا انا ؟؟؟
يعني تييب حركة من برا او من نفسها مب شرط من احد ..معين …
فإنتي سوي بعمرج زعلانة و تجي ولا تكلمينها و عصبي بدون ضرب و شوووفي كيف ..
حاولي شو تسوين ..هالمرحلة علميها الحروف و الارقاام عشاان تهدأ شوية و حطي لها قنوات مال اطفااال
و خليها تركز فيها شوية بس شوفيها معها و اضحكي انتي بعد ..يوم يسوون حركة تضحك و تجي ..!!
و يوم تأكلينها كلي معها ..عشان تسمع كلاامج بعدين يعني شاركيها في كل شي
هي مب عنيدة و لكن عندها شي بداخلها تبغي تعبر عنه مب عارفة كيف ..!!
يوم تكلمج اسمعي لها ..طبعا هي بعدها عن الكلاام ..لكن تضحك و تقول صح …
بس
هاتي
يعني هالكلمات الصغيرة …
حاولي تشاركينها العابها + اكلها + اقعدي معها بالحمام اكرمج الله
يعني وشوفي لربما ييب نتيجة ..
غذا عندج خدامة حاولي ما تخلينها هي المسؤولة عنها لنه اليهال يوم تتركينهم مع الخدم احيانا
يعصبون يعرفون انه هااي مو امهم فيحبون يتمون مع اهلهم و تجي يعبرون عن غضبهم بهالطريقة
اللي احنا نشووفها عناد
اخيرا ربي يحفظها لج و يصلحها و تشوفينها عرووووس يااارب و مسيرها تكبر و تعقل
احينه اكتب لج و حاشرتني ..تبغي الكمبيوتر ههههههه..وقااعدة تكسر الفصوص خخخخخ
بحاول اطبق نفسج ام دااانوه ان شاءالله خير