حبيباتي باين الموضوع من العنوان ..انا انسانه جادة واحب الجديه وما افرفش وايد ..بس هالسوالف ما تنفع لما تكون وحده متزوجه ..تكفون حبيباتي انا ابغي اتعلم كيف الوحده تستوي دلوعه وتتغنج ..اصلا هالكلمه كم مره اسمعها ولا اعرف شو معناتها التغنج هههه..وشو الكلمات الحلوةاللي اقدر اقولها للزوج ..خلاص خاطري اتغير والله هالشي من نفسي لاني ابغي اكون انثى قبل ما افكر اني اسويها لريلي…انا شو ناقصني عن بنات مراهقات اللي دلعها زياده عن اللزوم ..خلاص ابغي اصير مراهقه والعب هالدور ههههه
والسموحه حبايبي
اني ماعندي فكرة
ان شاء الله البنات يساعدونك
رققي صوتج شوي
اذا بتزقرينه لا تقولين يافلان او ابو فلان
قوليله غناتي حياتي قلبي حبيبي
ولو زقرج لا تقولين له هاا ولا نعم ولا خير
قولي لبيه قلبي او امر عيوني
الدلع تقدرين تسوينه بلبسج
بحركات ايدينج
بمشيتج
حاولي يكون صوتج شوي واطي يوم تكلمينه بينج وبينه
مش يكون مرتفع يعلى عن صوته
حتى لو كنتوا بمكان عام خلج عاديه لاتسوين حركات دلع لأن الكل غريب ولا مش غريب بيلاحظ
بس عالاقل تقدرين تقولين له غناتي ممكن نشتري الشي الفلاني !
فديتك ممكن نسير المكان الفلاني !
يعني جي اقصد الكلام الحلووو يسيييييح الحديد ياختشي ههههههههههههه
والسموحه طوووولت عليج
مب ضروري الواحد يقول للواحد احبك وحياتي … بس ممكن تقولين له هذه الكلمات حسب احساسك ورغبتك فيها … تثبت وتكون اقوى
مثل يوم عندك مثلا حد من هله او صديقتك يوم تطلبين منها شي .. او تحتاجينها بتقولين لها حبوبه حياتي روحي … او لما تسمعين او تحبين منها شي
اكيد الزوج … كل شي نابع من نفسيتك وقلبك وأسلوب حياتك معاه
اذا انتي جاده لهدرجه لازم ترابعين المراهقات عشان تصيرين مثلهم
لان الحين صعب جي فجاه تستوين رقيقه ودلوعه
او رابعي بنات من عمرج ودلوعات
الدلوعه في كلامها ومشيتها وحركات ايدها دلع في دلع
اما حبيبي وحياتي هااا يسمونه انها تدلع ريلها مب معناته انها هي دلوعه
بالتوفيق
هالشي لازم يكون داخلي مب انتي تسطنعينه لان ريلج جي بيلاحظ بيقول الظاهر انها تأثرت بالمسلسلات الكويتيه خخخخخ
الله يوفقج حبيبتي حاولي انج تتغيرين حبه حبه مش مره وحده