الفزعة احم احم استفسارات

السلام عليكم و رحمة الله وبركاته

عليج السلام ورحمة الله وبركاته ,,مسااج الله بالخير
شحالكن خواتي ؟؟
بخير وعااافية ^^
عندي كم من استفسار يخص البشرة

و ما شاء الله من كثر الخلطات ما عرفت شو اختار و شو اخلي ؟؟ خخخ
صادقة ما تنلامينانزين

اول استفسار يخص البشرة .. يتني فترة أشل شعر ريولي و ايديني بموس .. أدري هالشي غلط بس تدرون دلع البنات خخخ
قام يطلع الشعر على هيئة نقط صغييرة تحت البشرة .. كيف ممكن اتخلص منها ؟؟
انتي قصدج نقط سووده ؟؟ولا قصدج الشعر الي تحت اليلد؟؟لأن حتى البنات الي يشلون بالحلاوة تطلع لهم هالنقط,,واذا كانت شعر تحت اليلد فطبيعي بكل بساطة ,,سوي تقشير للمنطقة ,,هاتي شوية ملح سبا او حتى كريم مقشر وحطيه على المنطقة وهي مبلولة ,,وهاتيلج ليفة وحركيها بشكل دائري ,,عسب تفتح البشرة البراعية من هالشعر واطلعه ,,وعقب بيسهل عليج اتشلين بالواكس او الحلاوة
ثاني استفسار واللي منكد عيشة أغلب اللي اعرفهن خخخخ
تبييض المناطق الحساسة و الابطين ..

لين احينه ما حصلت شي افيد عن الليمون وكريم جيلوسليد ^^خباااال بس اهم شي تستمرين عليه ,,ولا تنسين عقب الحق اتحطين زيت اللوز (المر) واذا ماعندج حطي زيت زيتون
و ثالث استفسار يخص العلامات اللي على (القدمين)
تدرون شي نعل وانتو بكرامة تجرح الريول .. و العلامات في هالمنطقة ما تخوز بسهولة .. حد عنده خبرة في كيفية التعامل وياهن ؟؟
علامات ما اتخوز؟؟كيف يعني؟؟انا ياما انجرحت من النعل بس عادي عقب اتخووز هالعلايم؟؟ولاقصدج صوب اليوزة مكان ما تساندين على ريلج عسب الصلاة؟؟لأن هاذي اتخوز بالبديكير,, يوم اتسويلها تنظيف بالسكراب والموس مال التشقير واهم اهم اهم شي الترطيب

أتمنى تفيدوني من خبراتكم

احم أنا عروس السنة الياية بإذن الله و تدرون لازم اهتم بهالاشياء من الحين :$

بالبركة يا عروووس ,انتي مب بس عروووس يديدة الا عضوة يديدة وداااشه بقوة ههههه

بالتووفيق حبي

ههههههههههههههه فديتج والله .. الله يبارك في حياتج
وفيج يبااارك^^

الغالية .. من شوي كنت اشوف موضوع من مواضيعج
يشرفني الغالية ,,عيل اكييييد موضوع المنطقة الحساسة ههههه
اممم اظني النقط هاي تكون شعر تحت البشرة بس بعضها لونه فاتح و مبين انها نقطة ماعرف كيف اوصفلج خخخ عادي تستوي جذا,,ساعات اتكون الشعرة غليظة وساعات خفيفة .. بس المشكلة انها واصلتلي فوق للافخاذ بعد هالمشكلة عند الاغلبية الي عدنا حتى لو ماكنتي بيضة,,انا عندي خوات بياضهم بزيادة جنهم زلمات بس اتبين فيهم هالنقط من عقب الحف وحتى لو كنتي حنطية مايله للبياض او لو كنتي سمرة بعد بتبين عسب منطقتنا الحاارة الي عايشين عليها ,,ولا يغرج ترى حتى الاجانب فيهم هالشي بس لأن الاغلبية يلبسون هيلاهوبات او يرشوون هاي المرشااات عسب تخفي العيووب ,,وشي منهم الي عادي عندهم ما يهتمون ,,شو راااايج امسااات وحدة اجنبية >_<الله يستر عليها,,ياسه اتبدل جدامنا ,,كنت فمحل من محلات الفساتين وحظرتها اتعايزت اتبدل فالحجر مال القياس ,,ورفعت باااطها ويالهووول ما رأيت,,انا الصراحة ما كنت امركزة ولا احب اشووف هالمنااظر بس اختي هي الي انتبهت على هالشي هههههه ودومها تنتقد جسمها بس يوم شافت انه الاجنبية جسمها كله امحبب شرات النمش وباطها اسمر انصدمت >_<قالت اول مرة اشووف اجنبية باطها جذاهههههه

و بخصوص زيت اللوز المر من وين أحصله ؟ ><
عند العطارين فديت رووحج
ما عليه سامحيني لعوزتج بأسئلتي خخخ
ولا يهمج افا عليج كلنا انعين وانعاون
و العلامة الي ما خازت عندي اممم هو جرح من النعال الله يكرمج و الحين مستوي لونه بني جنه حرق ><"
ممممم سوي ميبووو,,صح انه هو مال الحرووق بس ما عليه ,,ولو مافادج خلاص سوي تقشير للمنطقة ,,بسألج هي اتكون عندج شرات اليلد الناشف ولا لأ؟؟اذا هيه فمعناته اترومين اتشقرينها ,,شوفي موضوعي مال التشقير المنزلي ,,واخذي الموس الي حطيته فالموضوع من نزيه ب51 درهم وجان ما حصلتي الموضوع برفعلج الصورة اهنا
لا الحين هالفترة أنا اعجبج بالترطيب خخخ بيبي أويل بعد الشاور و لوشن فازلين قبل الرقاد و أول ماأنش الصبح

ههههه عفية عليييج اهم شي ,,لأنه الجو الحينه وااااايد يساااعد عدمار البشرة >_<

فديتج يستوي تحطين لي رابط الموضوع ؟؟

ولووو من عيوووني

اندووج

https://forum.uaewomen.net/showthread.php?t=977596

احم يعني عالنقط شي طبيعي متأكدة ؟؟ ما بيتطنز علي عقب ؟؟ خخخخ
الكمال لله فديتج ,,وااايد الي يعاانون من هالشي ,,اترييني بنزل موضوع عقب دقاايق عن سر خطيييير فالحمام ههههه

اممم بحصل الزيت عند كراتشي ؟؟