حبيت افضفض لكم , والله اني مضايجة وابا نصايحكم الغالية 
………. الصراحة انا ادرس في جامعة خاصة وادام في نفس الوقت. أول مرة انزل 6 مواد مرة وحدة….. كنت مستانسة بس فجأة يت علي الامتحانات وامبوني خوافة .gif "12 (80)")
……. وانا حزت الامتحانات أتوتر بشكل غير طبيعي وألحين يتلي 5 إمتحانات ورا بعض وكل واحد اصعب من الثاني ومب عارفة عندي 4 ايام بس اداكرهم وصراحــــــــــــــــــــــــــــه زايغة .gif "12 (78)")
نصحوني بنات… ألحين كل مابا اي اداكر .gif "12 (23)")
اتدكر اني عندي إمتحانات مخي يوقف واهد الدراسه وألتهي بشي ثاني .gif "12 (46)")
.
وانشاء الله ما عليج خوف
وبتييبين احسن العلامات
انا مريت بهالمرحله عدة امتحانات واصعب المواد وكلهن ورا بعض
بس الحمد لله عديناها .. وحطي في بالج ان مافي شيء اسمه صعب
وانشاء الله موفقه
قسمي وقتج للمذاكرة ولا اتفكرين بالامتحان
يعني ذاكري كأنه عندج مراجعة وربج بييسر ان شاء الله
أنا مريت بأصعب من ها الأمور على الأقل كل ماده بروحها ,,, أنا كان عندي امتحانين بنفس اليوم بنفس الوقت و كانوا أصعب مادتين في التخرج بس الحمد الله نجحنا و تخرجنا …
أنزين أنا بقول لج الحل المناسب … أول شيء ذاكري كل ماده بروحها .. و خصصي كل مادة لها يوم معين ,, و لماتذاكرين ييبي لج نوته (( دفتر صغير )) و أقعدي اكتبي كل معلومه مهمه و لخصيها .. و أكتبي كل شيء مهم .. علشان يوم الامتحان تستخدمين بس النوته و ما تفتحين الكتاب …
هذا الشيء خطر على بالي ألحين و ان شاء الله برجع لج قريبا …
دمتي بود
ماعليه مرت عليه ايام امتحانين في نفس اليوم صبح وعصر وحامل
تعب ماوراه تعب لكن صدقيني قسمي وقتج ولا تحاتين وايد وربج بيسر امورج
انا كنت ابدا بالصعب
ادرس نص المادة قبل الامتحان
ويوم الامتحان ادرس النص الثاني
احس ا ني شوي مسيطرة على الوضع ومب اني تايهة درست اشياء والباجي لاااا
يعني درسي من كل مادة شوية عشان ماتتوهقين
يعني بهالاربع ايام حاولي تخلصين من كل كتاب النص او الثلث
وكل يوم اقري قرايه سريعة على الي حفظتيه وادرسي الباقي