هاذي اول مشاركه لي في المنتدى ……
وبصراحة طامعة في كرم اهل الامارات مثل ماتعودنا منهم ….:12 (19)
انا بعد اسبوعين بجي للامارات وهذي اول زيارة لي وانشالله مو الاخيرة
وابي منكم مساعدة:12 (97)
ابي احلى الاسواق عندكم والمطاعم وشنو الاشياء المميزه اللي ازورها المحلات اللي اشتري منها هدايا وبضاعه لان ودي اتاجر
.gif "44 (22)")
.gif "44 (25)")
::
تكفوووووون لاتطنشوني انا محتاجتكم حيييييل
وشكرااااا
وحياج الغلا الدار دارج
بس لو تحددين لنا بتنزلين بأي اماره عسب نفيدج اكثر
توصلين بالسلامه يا رب
الأسواق إللي عندنا المولات دبي مول والامارات مول
وفيستفيال وسيتي سنتر والعربي مول ومركاتوا
وفي الشارجة عندج صحارى مول وميغا مول وسوق
الجديم وروحي بعد القرية العالمية والمطاعم روحي مرسى دبي بجميرا
هناك مطاعم حلووه وطبعاً في كل المراكز بتحصلين مطاعم
أما إذا تبين تأخذين شئ للتجارة عندج سوق نايف وسوق
مرشد هناك كل شئ عندهم وأسعارهم رخيصة عندج سوق
عكاظ بمرشد عندهم درعات وجلابيات حلوه وعندج
بعد سوق التنين الصيني بشارع الامارات أسعارهم
حلووه وكل شئ موجود عندهم وإذا تبين بجامات حلووه
للتجارة روحي مصانع عجمان محل أسمة تردشن عنده
بجامات وجلابيات حلوووه وقطن وأسعارهم على 25 درهم
أنا داايم أشتري من عندهم
الامارات حلوه واماكن وايده فيها جميله ومبدعه
وانتوا تحبون الدراعات والفساتين الصباحية ..
أو الدخون والعود والعطور الاماراتية .. (هذا النوع عدنا ناس متخصصه لو حابة )
او الدلال والفناجيين والاستكانات
وهذا كله في سوق عكاظ …
واذا تبغين مكان مميز وغريب
*دبي مول كل شي فيه من تسلية كتزلج واحواض اسماك الى جانب التسوق من الماركات العادية الى العالمية على اختلاف الاسعار والانواع كذلك المطاعم والكافيات العالمية والراقية ولا تنسين زورين
برج خليفة الاسطورة (بجنبه)
*القرية العالمية ( اذا بتاجرين عليج بالقرية الصينية والتايلاندية يبيعون توك لشعر للبنات الصغار والاكبار + شنك هارودز + جلابيات حرير صيفية واشياء غريبة وحلوة …..الخ ) أو القرية الباكستانية يبعون لحافات مخروزة بالزري رائعه للتزين على الاسرة او تقدرين تاخذينه للتنزهه على 30 درهم … اشياء رائعه بس ماتحضرين للاسف ..
والسموحه الغالية على القصور …وحياكم الله في بلادكم واجازة سعيدة باذن الله