قريت ردووود كثيره منها اللي تاخذ ريال بعمرها واللي اصغر منها واللي اكبر منها واللي من جنسيا ثانيه..
بس لفت انتباهي .. اللي تاخذ اصغر منها او اكبر منها واااايد…
ما ادري اذا انتو بيكون رايكم غير عن رايي …
بس انا من زمااااان وانا بخاطري لو عرست ريلي يكون اكبر عني ب 8 – 12سنوات تقريا.. مابا يكون قدي .. ولا اصغر مني… << وجهة نظر..
يمكن لاني مره سمعت مثل يقول الكبير يدلل والصغير يعلل..
بس جيه مرات اقعد اتسائل بخاطري..
كيف اللي تعرس بواحد اصغر منها.. يعني ما تحس بالفروق؟؟
طبعا كلنا نعرف ان الريال ما يحب البنت اللي تتفلسف عليه .. يعني يحب البنت اللي تكون بنفس عقليته او اهو يكون المتفلسف ..
بس احس البنت اذا كانت اكبر عن الريال تفكريهم يكون غير .. يعني ابي اعرف تحسون عادي يكونون بنفس التفكير.. والا مهما يكون .. يكون فيه اختلاف في التفكير. بس يطنشون..
يعني احس البنت لو خذت واحد اكبر منها بكم سنه بيدللها العمر كله .. ليش؟
لانها بتكون مهما كبرت صغيرته .. > وجهة نظر..
اما الريال لو كان بعمر البنت او اصغر منها ..
بيدللها بس بعد فتره احس ما ادري.. يمكن يحن لان مرته تكون دلوعه وصغير..
<< هههه لا تطبون علي بس وجهة نظر..
ابي رايكم في الموضوع ..
كل وحده تخبرني رايها .. في اللي تتزوج بواحد اصغر منها تحس ان تفكيرهم بيكون متشابه والا؟
واللي تتزوج بواحد اكبر منها ب 8 سنوات وفوق تحس انها تكون مرتاحه والا تعاني من اختلاف وجهات النظر وبيكون تفكيره عاقل واهي صغيره يعني..؟؟
والسموحه لو طلعت مني كلمة بالغلط خواتي..
بس صدقيني بهزماان خلااص الوحدة تتدور الستر والعون مواكثر..
بعديين الريااييل احييين يرووحون للجنسياات الثاانية ووين الوحدة اتلااقي..
وبعد غييير جييه على حسب الرياال فييه واايد صغاار بس مااشااء الله علييهم افعاالهم جنهم بال50
وفييه واايد كباار وفعاالهم الله يهدييهم جنهن بال20..
الا فيما ندر
بس يعني كلامج شوي معقول ….لان احس اذا وحدة ازوجت واحد اصغر عنها
احس غير كيف التعامل يصير ..كيف الآراء يعني جي …و بعدين الزواج نصيب
ف ما اقدر اقول شيء …كل من عند رب العالمين …^^
صح يدلعني بس تكون العقلية وايد فرق
واحس العمر مايخصه لان في وايدين كبار وتفكيرهم ياهل