اللهم لك الحمد على مارزقتني

شخباركم ياحبايبي غبت عنكم غيبه طويييييييييييله ورديت بنك نيم يديد وهاي مشاركتي الاولى به…

عندي قصه صغيروووونه اقصها عليكن ..

انا سلمكم الله عندي والحمد لله بنت وولد والله يخليهم يارب ويطولي بعمارهم وتابعت ويا دكتوره عشان ولدي العود يبا اخو وطبعا ماعطتني اي شي من

اللي قريت عنه في المننتديات غير يوم التبويض المحدد لانجاب الذكور مع اني على فكره امووووت على البنات وكنت ادعي ان الله يرزقني ببنت والله

رزقني فيها والحمد الله وولدي وايد كان مستانس بس يوم كبرت وايد قام يتشكي انا ماعندي اخو وطبعا كل اللي من حواليه عندهم اخوان

اولاد الا هو وانا اقوله اصبر تو الناس وعاد انا توكلت على رب العالمين وقلت بشوف هالمره يمكن تظبط ويايه سرت عند دكتورتي اليوم

العاشر من الدوره قالتلي تعالي عقب يومين وسرتلها اليوم ال 12 من الدوره قالت اليوم فالليل لازم يكون في جماع وباجر الصبح فشربت المحلول اللي

سمعت عنه اللي هو ..((يورالتي يو )) وشربنا قهوه انا وريلي واشتريت بيكربونات الصوديوم ومااستخدميتها لاني ماعرف استخدمها وتوكلت على الله

صليت ركعتين قبل ودعيت ربي واكثرت من الاستغفار ولازلت والحمد لله ..

عاد اللي صار ان من يوم التبويظ لين وقت الدوره اسبوعين وانا كل اعراظ الدوره بينت عندي صدري متحجر والم فظييع في الظهر والام دوره ماتوقف لا

لا ليل ولا نهار وها الشي مابشرني بالخير لان في الحملتين اللي قبل ماصارلي شي من هالقبيل ابدا ولغايه عشر ايام من التبويظ كان باقي

عن الدوره 5 ايام نزززززلت عليه حمدت ربي وشكرته وخبرت ريلي وقال الحمد الله خيره عقبها بيوم سرت بيتنا عند اميه وسالتني في شي في الطريج

تراني حلمانه حلم قلتها لا ماشي يتني الدوره من البارحه قالتلي ماعليج بتوقف !!!!!!!

ارتحت نفسيا من سمعت كلامها وبالفعل وقققفت الدوره وعقب 3 ايام ااشتريت تستر حمل طلع سلبي واليوم اللي عقبه نزلت كان باقي عن موعدها يوم

خلاص عاد هني انلعب باعصابي شوو السالفه

وكان لونها غريييب وقبل ماتنزل اشتريت تحليل وطلع سلبي واترييت لين يوم الدوره يعني عقب مانزل عليه الدم بيوم واشتريت تحليل كلير بلو وطلع

مووووجب يعني حاااااااااااامل

اللهم لك الحمد والشكر يارب العالمين الحمد لله الحمد لله الحمد لله ودعيت حق كل المتاخرات في الحمل ان

الله يبشرهم مثل مابشرني ويفرحهم بشوفة الظني مثل مافرحني ولا عمري نسيتهن من دعواتي وطبعا من بداية المشوار وانا ادعي حق كل المحرومات

وتصدقون اليوم بالذات بشروني عن ربيعتي تعالج من سنه ونص وحامل ويايه نفس المده اقول يمكن الله استجاب لدعواتي ورزقها وعسى ربي يرزق الكل

انشالله بالمواليد المعافاه يااارب العالمين …

وعاد اتريت ريلي يرد من صلاة الجمعه اتعدلت واتزقرت على سنجة عشره ودخل سالني ها بشري قتله مافي شي والحمد

لله تحطم وقتله بلاك لا تتظايج احمد ربك قال الحمدالله بس صدق لعبتي باعصابي ويلسنا نسولف ونرمس وعقب طلع شويه من الحجره

ربعت اشل التستر ورديت زقرته تعال شويه يلست على الشبريه وراويته قالي شو هااا مافهمت حااامل وطبعا استوى الفلم الهندي صااااح ولوى عليه جني

بجر ..

عاد الحين اتريا عقب كمن شهر السونار باذن الله يطلع ولد كامل الخلق والخلقه معافى طبيعيا سليما يارب العالمين والله العالم ان ماعندي فرق بين الولد

والبنت بس اتمنى اخو يلعب ويا ولدي ويرابعه ويكبر وياه وانشاءلله الحمله الرابعه عاد ابا بعد بنت تكون اخت حق بنوتي ..

ومواظبه على الاسغفار كثر مااقدر لاني انا مااتبعت اي طريقه غيرمحلول اليورالتي يو وشربته مرتين بس مع انه يشرب 3 مرات يوميا لمده 3 ايام شي

جيه مب متذكره واني اتبعت ايام التبويظ والوظعيه وقت الجماع والتوكل على الله قبل كل شي وبس حاليا اقرى سوره البقره كامله من يومين وانشاءلله

يارب يكون خير ..

واسمحولي على الاطاله وسلامتكن ..