شحالكم خوااتي عساكم بخير
أنا مشكلتي ما كانت لا ع البال ولا ع الخاطر و قلت بعرضها عليكم منه آخذ مشورتكم و منه تاخذون العظه لأنها ممكن تصير لأي وحده منكم فأي لحظه
قصتي باختصار
أختكم الكريمه( الي هي أنا) كانت متفيجه آخر الليل و توها يايه من برا و كانت الساعه تقريبا وحده و نص بالليل فقلت أفتح المسن و أشوف بس منو موجود
و يوم فتحته أشوف هو إيميل واحد كان موجود و أنا ماعرف منو صاحبه و كنت حاسه انها وحده من ربيعاتي ( لأنه كان ظايفني من فترة و كان مبين من النك انه بنيه فحطيت قبوول) المهم كنت بدخل عليها إلا و هي سبقتني و دخلت على و هلا و مرحبا و من هالسوالف و كل ما أسألها منو انتي تقول ها رقمي دقي عشان تعرفين أقولها انزين ما عندي رصيد و شو أدق الحين الساعه وحده و نص تقول انزين عطيني رقمج قلت كيف أعيج إياه و أنا ما أعرفج و يمين يسار يمين يسار قالتلي أنا فلانه بنت فلان قلت انتي ….. قالت هيييييه و أنا هالبنيه أعرف اسمها بس مب متأكده من اسم أبوها
المهم
قالتلي عطيني رقمج قلتلها مب وياج و أنا من فلاحتي الزاااايده عطيتها إياه و قالتلي انها كسرت الشريحة الجديمه لأن في وااايد يتصلون عليها قلت لها شباب يعني قالت هيه و بعدين عطتني رقمها و قالت دقي قلت مااا عندي رصيد و الحمدلله ان ما كان عندي ولا كانت المصيبه أكبر
و بلا ما أطول عليكم ما أشوف إلا ابن الذين يقول يالغبيه أنا ولد !!!
أقولها فلانه لا تستهبلين يقول منو فلااانه والله العظيم أناا ولد أنا عااد قلبي في ريولي يعني والله والله يابنات ان النك مبين انه لبنيه و لونه وردي و يكتب بالوردي و ستااايل بناااات
المهم
فيقولي انتي …… تعطين رقمج أي وااحد أفتحي جات …… و بتلاقين رقمج منشور
و أنا عاادي ماعرف في سوالف الجات أفتحه ( من وراه طبعاً) ألاقي عشرين ألف غرفه وييين أدخل
و حظرته يبانب أترجاااه عشان ما ينشر الرقم طبعا أنا مسويه فيها قويه و قلت شوفيها يعني هو رقم لا صورتي ولا اسمي و تميت أتطنز عليه و قال ما عليه بنشره و بعطيج الرابط قلت كيفك و أنا طبعا خااايفه
شفته تأخر قلتله شو بلاك تأخرت قال يعني ما بتترجيني و تبوسين ريلي عشان ما أنشره قلت أكيد لا و قام ال….. و صج نشره في مو قع و حاااط عني كلااام وسخ و عطاني الرابط
أنا يوم شفته انصدددمت و قمت سبيته بالكلاام الي من تحت لتحت و قال انتي الي ما اعترضتي قلتله يعني شو تباني أسوي مثلاً أرابعك!!
قال أووكي خلاص عيل بنشر رقمج و إيميلج قلتله انقلع block+delet
و أنا مييييته رعبه
الساعه تقريبا 3 الفير أشوف رقم غريب داق علي لا و مرتين بعد طبعا ما رديت و الصبح أفتح المسن أشوف إيميلين ظايفيني و يوم قلت لإختي قالت غيري رقمج و خبري الشرطه قلت ما أبا أكبر السالفه و أروح فيها و قالولي بعد خبري اخواانج قلت اخوااني بياخذون عني الفون و ع الأقل ع الأقل بياخذون رقمه و الله يرحمه و يرحمني ( الخير يخص و الشر يعم)
فمشورتكم بناات شوو أسوي
و نصيحه نصييييحه مني لكم لاااا تعطون أحد رقم تلفونكم أو اسمكم ع المسن أبددددا
اختي في البدايه حابه اعرف انتي كم عمرج ؟
لاني ما اعتقد انه في وحده عاقله و راشده اتظيف أي شخص مني و الدرب المسن
والله شو استايله استايل بنات !!!!
أو تعطي اي واحد مني و الدرب رقمها لانها بس شكلت انه ربيعتها ..
انا اقول بلغي الشرطه و عطيهم ايميله او رقمه و هم بيظهرون كل شي عنه
و بيتفاهمون وياه و بيكتبونه تعهد ..
غير جذه ما اعتقد ان في حل ثاني
وتعرفين شو تسوين..
اتفقي مع وحدة إنتي تثقين فيها ثقة عميا… واسرقي الباسوورد مال الايميل اللي هو داخل منه..
على أساس يكون الايميل مال ربيعتج… ويوم تسوين هالشي.. خلاص خبري إخوانج جي وجي وجي..
وحزتها بيجرجرونه الشرطة من شعر راسه الهرم اللي ما يستحي…
انا بنت عموتي صارت لها نفس السالفه تقريبها
واحد قص عليها وكان مشترك بمنتدى بنات يعني خاص للبنات فقط وهي ع نياتها رمستها ع المسن عقب عطتها رقمها
ومن اتصل اكتشفت انه واحد هب وحده…. فهي بذيج الساعه ماتت من الصياح والخوف .. وبعد يوم ويومين وزع الرقم ع شلته من الشباب
ما عرفت كيف اتحل المشكله
لانه اخوانها اكيد بيفهمونها غلط وبيحرمونها من الفون والنت
وما لقت حد غير اختها تشكي لها الحال واختها قالت لريلها وكلم الولد وادبه وحل الموضوع من دون ما اهلها واخوانها يدرون بالسالفه
وانتهت السلفه على خير
اختي اذا اتشوفين اخوانج هب مالت تفاهم لا تخبرينهم عشان ما تكبر السالفه
شوفي حد يحلج السالفه ويفهم الموضوع ويقدر يرمس الولد ويادبه… شوفي اي حد قريب وفهمييه السالفه كامله
الله يكون في عونج الغاليه
ربي يفرج هاي المشكله عليج ان شاء الله
الحين الحييييييييين تسيرين تخبرين اهلج
لانج لو ما خبرتي من الحين بتستوي لج مشاكل و الولد بيتبلي عليج
البنت اللي من هلي كان واحد مطفر فيها بالاتصالات و هي تصده و ما تكلمه و تهدده
تعرفين اخر شي شو سوااا
راح خبر اهله انها هي اللي تراكض وراه
اهلها طبعا ما رحمووووها و محد صدقها
رايي انج تخبرين اخوج وخليه يتصرف