اللي حملت بعد العلاج تدخل

السلام عليكم و رحمه الله و بركاته

مرحبا بنات بغيت اسالكم اللي تعرف دكتورة نساء زينة ياليت تفيدنا و تذكر اسم العيادة و الدكتورة و المدينة و طريقة العلاج عشان الكل يستفيد و لها الاجر ان شاء الله

وانا حابة اذكر تجربتي مع دكتورة في مركز فقيه في دبي جميرة كانت زينة و في وحدة اتصيرلي حملت من عندها بس انا للأسف ما استمريت لانه ريلي سافر نفس الشهر

انا بعد مااعرف شو الزين ولكني اراجع فالواحه وفالمدار واشوف خطه منو اتبع اشوف الفحوصات شو يقولون نفس الكلام او غير
عسى الله يرزقنا فالقريب العاجل يارب

هلا اختي

انا حملت بعد العلاج ولله الحمد
متزوجة من اربع سنين ما خليت مكان ولا دكتور ولا مستشفى والنتيجة ما فينا لا انا ولا زوجي شي احترنا بهالشي وتعبت نفسيا
السنه اللي طافت بنت خالتي راحت مركز فقيه للاخصاب في ابوظبي وشافت علاجهم ويزاها الله خير خبرتني وانا بدوري اتصلت لهم وخذت موعد وقالوا تبين استشاره ولا على طول علاج قلت لها الاثنين مع بعض ورحت لهم ثاني يوم للدوره شافني الدكتور مايكل فقيه بصراحه قمة بالخلاق وأسلوبه راقي ويريحج من اول مقابله ومن اول يوم دخلت المركز بديت بالعلاج والحمد لله من اول عملية أنابيب نجحت العملية بفضل الله طبعا والحين انا حامل بالشهر الثامن والين الحين أتابع حملي عند مركز فقيه وبأذن الله راح أعيد التجربة في حال لو ما حملت طبيعي بعد هالولاده لأني ناويه احمل بعد مايكمل ابني إنشاء الله سبع او ثمان شهور

ربي يسهل على الجميع ويرزق كل من تتمنى الذريه

الف الف مبرووووووووووك ويزاج الله خير عالمعلومات و انا كان في بالي ادخل عند الدكتور دايركت بس استحيت لكن بجرب ان شاء الله

ربي يرزقكم اجمعين

انا تميت 5 سنوات بعد ما شلت اللولب ما حملت

وما ظل شي ما جربته /اشعة صبغة / تنظيف للرحم وكوي / تبخرت بالشاي / شربت اعشاب / تمرخت عند حرمة /

وسويت تلقيح صناعي وفشل

وكل شهر اقول اريد اضعف بطني لان شوي عندي كرشة

بس اخاف اطلع حامل وتميت على هالحال لين ما شريت جهاز تمارين البطن ولعبت عليه مدة اسبوع سبحان الله وبديت امارس رقصة السامبا ولا مدري شو اسمها ؟؟

وبنفس الشهر طلعت حامل سبحانك ربي

ما توقعت ابدا اني اطلع حامل لاني تحركت جدا بايام التبويض بس الله سبحانه من يريد شئ يصير والحمدلله

عقبال كل وحدة يارب

سامحوني طولت عليكم

اختي الله يرزقج في القريب العاجل

اختي انا عندي عيال الحمد لله بس كنت ابغي احمل ما خليت دكتوره ولا عياده مدحوا لي الا مريت عليها
اصغر عيالي بنت الحين بتكمل 8 سنين
نصحتني الدكتوره في مستشفى لطيفه أني أسير مركز دبي للاخصاب قالت لانه هناك ناس مختصين
لاني جربت كل انواع العلاجات ما مشت ويايه الحمد لله
قلت لها خلاص عقب من ارد من سفرة الصيف بتعالج وخلال فترة الصيف كنت استعمل أشياء طبيعيه من غير الدوا اللي عطتني الدكتوره استعمله فولك أسيد وغلوكوفاج 850
انا زدت من عندي حبوب vitex 1000
ويوم رديت من السفر كنت توني مخلصه الدورة قلت بتريا الشهر ألياي ثاني يوم من الدورة ببتدي علاج
وسجلت في نادي وكنت العب رياضه وكلأسأت سباحه وعلى الأجهزة وكل هالرياضه استمرت اسبوعين بس
وعلى قولة الدره المصونه كنت العب زومبا كنت اقضي في النادي ساعه ونص الى ساعتين
وسبحان الله
لاني مب حاطه في بالي حمال الا بعلاج

نفس اليوم اللي المفروض تيني فيه الدورة حسيت بويع مب طبيعي في بطني وصدري وايد يعورني والويع ما جد ياني قوي ما تحملته شكيت
وحللت
والحمد لله طلعت حامل والحين في الشهر الثامن
والله يتمم حملي ويرزقني بولاده سهله وبيبي سليم معافى

سامحيني على الاطاله
انتي استعملي حبوب vitex لين تلقين الدكتور المناسب
لانها حبوب طبيعيه
ما إلها اي مضار
بالعكس تنظم الهرمونات والدورة وتزيد التبويض وتكبر حجم البويضة

الله يرزقج بالذريه الصالحه عاجل غير اجل ان شاء الله