اللي سارو العمره مع حمله بالباص ؟!

للرفع

وين بسيرون العمرة
انصحج اتشلون وياكم ديتووووووووووووووووووول لان الحمامات اففففففففففففففففففففففف
وانصحج اتشلون وياكم ماي واكل وككاوات وجبسات ومخاد ولحاف لان الباص فليل يستوي ثلج ودوشق
وتسلي في الدربه بقراءة القرآن والادعية والاذكار وان شاء الله الله يهون عليكم سفركم
اسمحيلي طولت عليج فديتج

فديت عمرج يأم شماني فرحتيني بردج الغاليه الله يرضى عليج ويوجبر بخاطرج ^_^

من ناحيه الاكل لا توصين واشكرج اختي ع النصليح الزينه وان شاء باخذلي لحاف ومخده لاني

من النوع اللي من اركب السياره ايني الرقااااااااااااد >_<

وجزاج الله خير اختي عالشور الطيب وان شاء الله باخذ وياي كتيبات

الاذكار والادعيه وان شاء ان ما نسيتج بدعيلج ..

بما انكم بتمون يومين تقريباً في الطريق ,, خذو معاكم بطانيات خفيفه ومخدات صغيره ,, بنادول,,ماي
كلينكس,, وجبات خفيفه ( بسكويت, شيبس,عصاير, …… إلخ )
وطبعاً بتمرون على محطات بترول بين فتره والثانيه وفي هالمحطات مطاعم والسواق بيوقف
علشان تاخذون فيها وجبات الغدا أو العشا << على حسب الوقت .

والحمامات هناك صعبه فحاولو ماتستخدمونها إلا للضروره << خذو معاكم مناديل ديتول.
ومن طول المسافه الأقدام بتتورم شوي فحاولو ترفعون أقدامكم عن الأرض بين فتره والثانيه ,,

وأهم نقطه في الموضوع كله ,, حاولو أن تقضون الوقت في شيئين مهمين وهم (الإستغفار والدعاء)
لأن الدعاء في السفر مستجاب ,,والإستغفار بعد يعتبر دعاء لأنه يمحو الذنوب ,, فطول الطريق في السيره
والرده كثرو من الدعاء والإستغفار لأن من تجربه شفت أن الدعاء أثناء السفر يتحقق ,, وبعد خلال وجودكم
في البلد إللي انتو فيه كثرو الدعاء لأن هالوقت إللي تقضونه في البلد الثاني يعتبير من وقت السفر الإجمالي.
وباقي الوقت أمسكو مصاحف وأقرو قرآن ,, أو اقضو الوقت فللي تحبون.

أتمنى لكم رحله سهله وميسره وعُمره مقبوله اللهم آمين.

الصـراحه عن تجربه تعب بس وناسه
اللاستراحات قذره ودي وياج كل ادوات النظافه
خاصه الحمامات اع لوول ماابغي الوع بجبدج
بس صدقيني الدرب وناسه بس مثل ما قلت تعب
بتوصلين ريلج منتفخه من التعب
والرحله طبعا يومين
ولاتنسين الجبس والكاكاو والعصاير والحلويات
واتسيرون واتردون بالسلامه

^^