اللي سافرت العمرة بالسيارة تتفضل

[CENTER]السلام عليكم خواااااااتي الغاليات …
ياليت كل من سافرت العمرة بالسيارة تتفضل ..

بغيت نصايحكم ..توجيهاتكم …هذه أول مرة لي أطلع بالسيارة ..والله يسهلها يارب …طبعا نحن بنرووح روااحنا ..أنا وريلي وعيالي ..ومحتارة شو أشل وياي ….ووين ممكن نبات لو مرينا بالرياض ..باختصار كل من عندها نصيحة ولو بسيطة وألا ملاحظة حلوووووووة أتفيدني تتفضل مشكوووره والها من كل قلبي أحلى دعوة بالتوفيق ..

هلا اختي انا معظم روحاتي بالسيارة لو بيكون حد وياكم فالدرب يكون افضل لانه بعيد انتي من اي منطقة؟
بس لازم تطلعون الفجر افضل عشان تقدرون تقطعون معظم الدرب فالنهار وبالنسبة شو تشلين اكلات خفيفة اشباس حلويات وعصاير ,
والله يوفقكم واذا اي سؤال انا حاضرة

تسلمين اختي ع الطرح
في ميزان حسناتج ان شاء الله

ننتظر كل يديد من صوبج

وعساج دوووم ع القوة

مرحبا أختي…السيرة بالسيارة لها متعة ..الطلعة تكون الفجر احسن لأن من دبي لمركز الحدود ياخذ 3 ساعات و نص و الخط هناك افضل النهار لأن الحين الجو يساعد ..أهم شي إذا انتو اول مرة تروحون لمكة الأفضل تباتون في الرياض فيها شقق وايده منها ناه و الخليوي و شقق جديده في نفس الشارع و بعدها تروحون لمكة عسب ترتاحون لأن المسافة دايرت من دبي لمكة حول العشر ساعات… و الصراحة النافيقيشن حلو للي ما قد سار لأن بعض الشوارع في الرياض تخربط و الواحد يوصل تعبان ما بيضيع وقته في معرفة الشوارع!

في السيارة شلي خفايف للأولاد مثل فطاير او صمون و خذي جبن و عسل أو شوكولا و سوي لهم في السيارة…خذي سلطة فواكه .. عصاير ..ماء …شيبس و دلة قهوة و شاي…على الدرب فيه محطات للتوقف لكن الواحد يشل معاه احسن… شلي غرشة ماء كبيرة حق الإغتسال إذا حد من الصغار احتاج الحمام…بصراحة حمامات محطات البترول هناك أغلبها قذرة فالوحدة احسن لها تيود عمرها!!
التسلية للصغار…نحن ركبنا دي في دي في السيارة عسب الخط لأن الصغار ينشغلون به و ما يحسون بالملل..أو دفاتر تلوين أو قصص..حسب ما يحبون عيالج
إذا بتباتون في الرياض حطي شنطو إضافيه فيها أغراض ليلة وحده عشان ما تنزلون كل الشنط..و حطي الإحرامات في شنطة أو أكياس لأن بتبدلون الثياب في الميقات و بدال ما تدورين هاييك الحزة خلي كل شي جاهز
اتمنى لكم رحلة سعيدة وعمرة مقبولة,, و اذا بغيتي اي شي لا يردج شي..

مشكورة على الطرح
وبستغل طرحتج ابا اعرف من وين يحصلون مطوف حق العمرة ؟ الي تعرف اتطرشلي على الخاص بلييييز

اول ما توصلين عند الكعبه تحصلين المطوفين كل حد بيي يسالج تبغون مطوف

الاخوات ما قصروا معاج
اهم شي تشلين معاج خفايف للدرب .. شاي، عصاير، قهوة
شلي شنطة الاسعافات الاولية اذا ما عندكم في السيارة
خارطة الدرب
مناديل معقمه مثل الديتول علشان اذا بتستخدمون الحمامات في الدرب
ما انصحكم تستخدون حمامات المحطات السعوديه .. والله امسك نفسي لين نوصل الرياض ولا ادخلها ..
حمامات محطات الامارات وايد انظف
آخر مره سرنا رمضان العام .. نزلنا في شقق مجابله مركز المملكه اعتقد اسمها ناه كانت زينه و نظيفه
صحيح .. الرياض بهالوقت بررد مووووت .. مب مثل بردنا لا حبيبتي انسي .. لازم تحطين في حسابج الشي هذا علشان تشلين لليهال ملابس ثقيله هناك
هذا اللي اذكره الحين