ان شالله انا وريلي ناوين انسافر ماليزيا شهر 6 بان الله
وعندي بنتين وحده عمرهااا سنه و8 شهور والثانيه 8 شهور
اللي بغيت اعرف شو اخذ لهم من اغراض اساسيه اتكون عندي فمطار والطياره
واخذ لهم ملابس شتويه شو الادويه اللي اخذهااا غير خافظ الحراره وتحاميل قطرات الخشم
واخذ لهم عرب والله هااي العلاقه اللي شرات الشنطه حق بنتي الثانيه
اللي عندهاا خبره
المشاركة الأصلية كتبت بواسطة زمـ … ـانـ. 
ان شالله انا وريلي ناوين انسافر ماليزيا شهر 6 بان الله
وعندي بنتين وحده عمرهااا سنه و8 شهور والثانيه 8 شهور
الله يخليهن لج يارب
اللي بغيت اعرف شو اخذ لهم من اغراض اساسيه اتكون عندي فمطار والطياره
خذي بجايم احتياط لانهن اريح
وخذي الهن الحليب بودر بس لاتشلين ما حار للحليب لان ممنوع وهم في الطيارة بيعطونج
بس خذي المطارة فاضة عشان قبل لا تنزلون قولي الهم يعبونها لج للدرب لان يمك يبن رضعه في الدرب
خذي بامبرز
خذي للصغيره اكلها مثل السيريلاك والفارليز وفاكة موز والا تفاحة
و خذي للعبة لكل وحدة تطلعينها وقت الضرورة
وحاسبو اختي عند الحجز انكم تحجزون جدام عشان يعطونكم سرير للبنوته الصغيرة
لان بيكون تعب عليكم ورا الثنتين مالهم كراسي
وخذي اي شي مهم الهن
واخذ لهم ملابس شتويه
اذا بتسيرون جنتينج بس لان هالمنطقة الوحيدة الباردة
يعني خذي جاكيت لكل وحدة بس
لان جنتين ما ينيلس فيها اكثر من 3 ايام والا يومين
بس باقي ماليزيا حرررررررررررر ورطووووووووووووبة خففي الهن في اللبس
شو الادويه اللي اخذهااا غير خافظ الحراره وتحاميل قطرات الخشم
ادول
دوا الاسهال
زرتك
اذا تستخدمون النبوليزر لازم اتشولونها بادويتها
خذي بس هاذيلا بس اذا احتجتو ترى هناك وايد مستشفيات
واخذ لهم عرب والله هااي العلاقه اللي شرات الشنطه حق بنتي الثانيه
اللي عندهاا خبره
شوفي العربانه انا اشوها واااااااااااايد مهمه
ما ادري عن هاي الي شكل الشنطة ما جد جربناها كل الترولي
الله يوفقج
انا شليتهم وياييه ماليزيا والله من حنتهم وصياحم والله قعدنا اربع ايااااام لا غييييير
الكل اتشمت علينا حد يسافر اربع ايام ؟؟؟؟ اهى اهى اهى والله بصيح
بس تعلمت شغله نو اطفال في السفر الا اذا كان تحت السنه الله بعينا عليييييه واليهال حدهم تمشينهم دبي والا داري دار الزين العين ولا صوب الشمال يلعبون على البحر والله الاماكن يستانسون منها اليهال احسن عن التلعويزه في السفر
بس عشان افيدج لازم اتشلين العربانه لانكم بتمشون مسافات وهو اريحله لنه اغلبية الوقت بنام وبعدين بتحطين فيها جنطه البيبي والله بتريحكم وااااااايد هناااااك
وبالنسبه للملابس شلي معاج جاكيت ووطاقيه صوف لكل وحده لنه في اماكن بارده مثل جنتنج وكاميرون
اذكر في جنتنج عقب مالعبوا العيال حدرنا صوب المول ونحن طالعيييييين مانحس الا برد ياكل ويوهنا الله رحم اني شالله وياي الجاكيتات ولبست اليهال على طووووووول
وانشالله تستانسون بالسفر والله يوفجكم
واي استفسار طرشيلي على الخاص
حاضرين للطيبين
خذي عرباته وحده حق البنتين .. العربانه تكون وسيعه بتسد الاثنين
حق الطياره والمطار اهم شئ البامبرز والحليب و المصاصه اذا كانو من مدمنين المصاصه شرات بناتي ههههه
وخذي لحاف صغير معاج اذا هم متعودين يرقدون بلحاف معين .. عوديهم على واحد يدي وصغير قبل السفر
ولبستين حق كل وحده فيهم اذا لاسمح الله وصخو عمارهم ز صداريه الي حق استعمال واحد
ولعبه معينه وشوية خرابيط من الاكل
انا شهر 12 السنه الي طافت خذت بنتي كان عمرها سنه و 8شهور الحمدالله ماتلعوزت وايد
قد ماتقدرين كوني صبوره ويا تعاملج ويا الصغاريه لا تعصبين واستانسي
الا هي فتره وبتردين البلاد لاتخربين على نفسج السفره ولا على ريلج
عسب ريلج مايهون السفر معاج مره ثانيه
ولاتنسين انتي وريلج حاولو تتساعدون ويا بعض احسن
بس هذا الي عندي ان شاءالله افدتج بشئ