اشحالكن خواتي
بغيت استفسر منو منكن كان عندها ارتفاع فهرمون الحليب ومأخر لها الحمل ؟
يعني فالعلاج هل خذت وقت وااايد لين ما حملتي يعني كم شهر تقريبا ؟
وشو نوع الأدوية اللي استخدمتوها وفأي عيادة تنصحوني ؟خصوصا بنات راك وبوظبي ؟
ياريت تجاوبوني ع كل الاسئلة
والسموحة منكن وفميزان حسناتكن*
انا اعاني من ارتفاع هرمون الحليب وهو سبب لي ضعف تبويض شديد واخر لي الدورة حتى تتاخر لمدة طويله تصل الى تقريبا سنة
اما الحمل انا ربك ماكتب لي الحمل للان
والسبب كله من هرمون الحليب
ودايما بنزل الدورة بعلاج تصرفه لي الدكتورة
ولكن احيانا استخدم البردقوش والميرامية مع بعض وسبحان الله تنزل لانه البردقوش يعدل الهرمونات
ملعقه بردقوش وملعقه ميرامية وضعيها في برادي صغير و مالازم تطحنينهم ثم ضعي ماء حار عليها وخليها لمدة عشردقايق او ربع ساعه وصبيها في كاسه واشربيها بس طولي عليها كذا عشرين يوم او شهر وتنزل الدورة
وعادي اشربيها يوميا
انا اشربها بس احيانا اتركها مو مداومة عليها
والشي الثاني عندي انسداد
بس قالت الدكتورة انه انفتح
فيااااااااااااااااليت اللي عندها معلومة عن انسداد الانابيب تقولها كيف اعالجها بالاعشاب
وربنا يرزقني واياكي وجميع المحرومين يارب
نسيت اقول لك انه البردقوش والميرامية علاج الى هرمون الحليب
فخليكي عليها
أنآ لـ الحين مآ أعرف اذآ عندي هرمون حليب أو لآ ..
لأن مرّه تعبت من صدري وآآيد يعني بعد الدوره الين قريب الدوره اللي بعدهآ
فرحت عند أحلآم وقلت الهآ فيني كذآ وكذآ وأبي أسوي تحليل دم
سوّت لي التحليل وقآلت لي انه الهرمون وآيد مرتفع أي وصل 79
بس أنآ بعد التحليل يعني اليوم اللي بعده نزلت لي الدوره على طوول .. فقلت الهآ اني بعد التحليل نزلت لي الدوره
قآلت : لآ مآيخصه تعآلي بعطيج حبوب وبوصف لج علآج ..
فكلمت وحده من أهلي [ دكتوره ] وقلت الهآ عن الهرمون
فقآلت : أصلآ الهرمون دآيم يرتفع قبل الدوره .. فسيري سوّي فحص الحين مره ثآنيه وشوفي الهرمون
فمآكآنت عندي فرصه لأني في الجآمعه , لمآ خلّص الدوره رحت عند اورآس وسوّت لي تحليل فقآلت الهرمون والغده عندج طبيعي ..
.
.
.
بـ النسبه لـ اللي عندهم هرمون أنآ سمعت بـ البردقوش و عصير الأنآنآس
بس مآ أنصحج تكثرين منهم لأن يمكن يسبب لج تكيّس لآ سمح الله ..
.
.
أعرف وحده مآتحمل الآ لمآ تنزل الهرمون وتروح عند نورملآ