اللي عندها نفس تجربتي تتفضل؟؟؟ .ولاده في السابع

بنات حابه أفتح هالموضوع لأنه وايد أمضايقني………..

أنا ربيت في الشهر السابع (ماكنت أمخلصه السابع تقريبا ماخذه أسبوعين من السابع_ كان بكري)المهم ماكان فيني أي شي يوم راجعت عند دكتوره نهله قالتلي الياهل حجمه صغير أو ماقاعد يكبر أو لازم أتروحين المستشفى علشان أيشوفونك( معني قبلها أبيومين كنت رايحه مستشفى دبي أو قالولي كل شي أوكي)
المهم : قدر الله أو ماشاء فعل سوولي عمليه قيصريه أو ولدوني في نفس اليوم أو قالولي 60 % أحتمال الياهل أيعيش…..
وأحمد الله على كل شي ربيت ويبت ولد وكان وزنه وايد نازل (950غ) تم في الحضانه تقريبا شهرين …((((بس الله لايعود هالأيام عليه لأنه صياح ليل أونهار(أيام صعبه-ماتم حد ماصاح معايه))))

والحمدالله أشكرك يارب الحين ماشاء الله عمره سنه أو أربع أشهور بس وايد أمتعبني معاه…كله مستشفيات عنده حساسيه في الصدر من يوم كان عمره ست أشهور…وايد تعبانه معاه أكله وايد قليل أو ساعات يمتنع عن الأكل نهائيا مو عارفه شو أسوي معاه ..أو لين الحين وزنه وايد نازل بالنسبه لسنه(سبعه كيلو او نصف)… ماخليت مستشفى ماوديته … دايما ايقولولي مندامه يتحرك او نشيط لتخافين عليه….

بليزززززززززززز اللي عندها ولد قاصر بسبع شهور تكتبلي تجربتها وتقولي كيف أتعاملت مع ولدها يمكن اتفيدني…….

والسموحه على الإطاله………

ان شاء الله البنات يساعدوكي…
الله يحميلك ابنك…

الله المستعان ، الله لا يصيبه بضر و يجعله قرة عينك ، صديقتي و ابنها مع إبني بالحضانه كانت عندها هالمشكله لنه سباعي و كانت دايماً تشتكيلي من قلة أكله و تأخر ميشه، و دايماً عندها فحوصات و مراجعات لهالولد ، الحين ما شاء الله تبارك الله إبنها صار أطول من إبني و لا شي إلا ياكله و صحته لا قوة إلا بالله، بس كل هاذا الكلام بعد ما عدّا السنه و نص و قرّب يصير سنتين، ف طولي بالك و توكلي على الله و أعطيه الأكل اللي يحبه و تراه بإذن الله بيكبر و ياكل كل شي، و استمري في عرضه على الطبيب

اختي نفس معانتج في السابع واسبوعين
لا يرضي يأكل بس من كمل سنتين طقعته احط له الاكل يبي يأكل يأكل ما يبي على راحته
عيزت من كثر ما اركض وراه بصحوني
ولا راضي وزنه يزيد هيكل عظمي
اركض في هل المستشفيات

وحجمه صغير بنسبه لئقرانه
بس الحمد لله
ان شاء الله بيكبر وبصير ريال

مشكورات خواتي على الردود

طولي بالج حبيبتي ويبيله صبر وحافظي عليه من البرد والغبار

واختي ما شاء الله عليها مولوده بالسابع والحين في الجامعه الله يحفظها وطبيعيه

اختي لا اتخافين و مثل ما قالوا الدكاتره مادام يركض و يلعب ما عليه شر انشالله ….و هي الحساسيه فيه لانه انولد بالسابع و لان اللي ينولدون في السابع اتكون مناعتهم ضعيفه …. ولد وحده من معارفنا انولد بالسابع و والحين عمره ماشاءلله 11 سنه و و بعد عندي ولد خالتي انولد اخر الخامس لان امه كان فيها سكري و تم فتره طويله بالحضانه و الحين ماشالله عليه عمره 28 سنه….. الله يخليه لج و يبلغج فيه قولي ءامين.