اللي موافقة ومب على الدوام الى الساعة اربع في مدرسة الرسالة العلمية يلا تدخل

مرحبا خواتي بدخل في الموضوع على طول الصراحة اشوف ما تسوى عليهم عيالنا انهم اخذوا اجازة في رمضان الحين المدارس يالسة اطلعها من عيونهم انا بنتي في GR1 طبعا تصحى من النوم الساعة السادسة صباحا وتركب الباص سبع الاربع وتوصل البيت الساعة 3 عصرا طبعا اتكون مرهقة وتعبانة لكن رضينا بالوضع هذا بس اللي ما رضينا ان يطرشون مسجات على الموبايلات بحيث يكون يوم الاربعاء من كل اسبوع بان الدوام ينتهي الساعة اربع ,طبعا انا اسال شو بتقدم هاذي الساعة وشو الطفل بينجز في هاذي الساعةابقي اعرف قبل ما يصدرون وقت الدوام الى الساعة اربع ما فكروا في هذا الطالب ان بيكون مرهق ومالة نفس في الدراسة وهل وزارة التربية عارفة بموضوع زيادة الوقت للطلاب , عني انا بنتي اتيي من المدرسة تعبانة ومالها خاطر ادرسها وكلة تبقي تلعب لان احس طفروهم بسبب طول الدوام فاللي بيدخل الموضوع ابقي اعرف هل اتايدون موضوع الدوام الى الساعة اربع العصر والا…لا

حرااام والله وااااااااااااايد عليهم هاليهال ..
أنا ولدي مب في هالمدرسه .. ولدي كي جي 1 ..
يخلصون الساعه 1 ويوصل البيت الساعه 2 الا ربع ومع هذا احس يوصل هلكاااان وتعبان وماله خاطر حق شي غير اللعب وطبعا يعطونهم واجبات كثر شعر راسي والله تعبت من كثر ما احاول وياه هالويك اند اقول شو اخليه يحفظ والا يكتب والا شو يسوي .. حرااام والله وايد مضغوطين هاليهال …
الله يعينهم ويحفظهم ويوفقهم يا رب ..

هيه والله صدقكم حبيباتي يارب أحفظ عيالنا اللهم أمين

ررررررررررفع

بصراح صار التعليم عندنا تخلف
يعني عقب الساعه 2 الزهر شو بيستوعب الطف ل!!!
الله المستعان لاتعليق لانه ماعندى يهال في المدرسة

وايد تعب على اليهال

ما نقول غير الله يعينهم و يصبر اولياء الامور

مشكورات خواتي على تفاعلكن لهذا الموضوع لان بصراحة مب بس اليهال والامهات اللي يعانون حتى المعلمات بعد يعانن خاصة لا ننسى انهن بعد ربات بيوت واحنا انطالب بان يكون وقت توقيت المراحل الدنيا في حدود المعقول