حبيت أشارك في هالموضوع وأتمنى الكل يشاركني .. عسب الكل يستفيد..
الموضوع بخصوص الأكل والمأكولات الممنوعة فترة الحمل.. من طبخات معينة .. فواكه.. مشروبات..
الصراحة أنا سمعت عن الأنناس انه مضر للحامل، لا سمح لله ممكن يسبب اجهاض خاصة في الأشهر الأولى من الحمل..
وسمعت إيضا.. عن الفيفاي..خطير في الأشهر الأولى.. فهل المعلومات هاي صحيحة؟؟
أتمنى مشاركتكم.. واللي عندها الخبرة والمعرفة في هالأمور تعطينا من خبرتها..
لأن الموضوع جدا مؤرق أنا حملت وتميت متخوفه من كل شي وأذكر اني أكلت فيفاي لأني أحبه..
ولكن تفاجأت انه مب زين للحامل..
الصراحة شي متعب في فترة الحمل انج اتفكرين في كل شي بتاكلينه اذا هو مضر والا مفيد..
في انتظار مشاركاتكم وخبراتكم…
دعواتكم لي بالذرية الصالحة..
ودمتم سالمين…
وعن الأنااانآآآآس صح >> من جي يفضل تآكلينه فالشهور الاخيره عسب يسهل ولاادتج …
وانا سآآمعه عن الاسبآآيسي ( أي شي حآآر بزود ) ||| فحملي هذا كآآن فخآآآطري الجيتوز الحآآر والله كلته ،، بس الحمدالله ماصآآبني مكروه …
نتريا ردرد البنآآآآآآآت
ام من بعد الثالث عادي التمر والعسل وهاذي المعلومه أكددتها لي الدكتوره والله يسهل علينا ان شاء الله
انزين وشو عن الفيفاي.. حد منكم سمع عنه شي؟؟