المدارس الخاضة اللي في مويلح .الشارجة

كيف حالكن يا بنات المنتدى…..
حبيت أسأل شو أحسن مدرسة خاصة في مويلح عشان أسجل و لدي فيها و تكون تهتم باللغة العربية و التربية الإسلامية………ومن أي سن يقبلون تقريبا….

هلا حببيتى أن حاطة بناتى فى مدرسة الزهور الخاصة ممتازة من ناحية التعليم لغة عربية تربية اسلامية لغة انجليزية رهيبة والمدرسات يهتمون والمشرفات يتابعون وياكى وكمان اسعارها مناسبة وكمان صحتى بتشكر فى العناية

اسفة نسيتى اقولك انهم بيقبلون سن 3.6

الغاليه انا حاطه بنتي في مدرسه اقرا .. الصراحه وايد اوكي مع انه كنت متخوفه منها وعلي اللي استوي للطالب اللي كان فيها .. بس الحمدلله وايد مرتاحه منها ..ومن كم يوم كان عندهم اجتماع للامهات والله اتعرفت علي المدرسات مع انه ثاني اجتماع لهم بس ماسرت لاني كانت عندي ظروف بس الصراحه ايحفظون اليهال السور القصيره انا للحين بنتي حافظه ما شاء الله عليها تقريباسبع سور قصار غير الاحاديث القصيره غير الحروف والارقام .. والله اشياء حلوه ان شاء الله اكون افدتج .. للعلم بنتي كج1

جزاكن الله خير خواتي على الرد وما قصرتن…….ززبس شورايكن بمدرسة ويسترن و المدرسة الاسترالية……؟؟؟

مدرسة العناية زينه في كل شي بس ما يهتمون باليهال وايد الشاطر شاطر والكسلان بينجحونه
يمدحون مدرسة بو خاطر بس غالية شوي

انصحج بمدرسة ويس جرين
وايد ممتازه والله يا اختي, دراستها قويه و شي عجبني عندهم انه في مذكره تكون علطول مع الطفل كل شي ينكتب فيها. يعني اذا عنده واجب او امتحان. المدرسين يبون الأهل يركزون مع الطالب بنقطه معينه. يعني مثل تواصل بين المدرسه و البيت. نسيت اقولج انه في امهات قالوا انه وايد واجبات و امتحانات.

اما مدرسة الابداع العلمي مالت بو خاطر يقولون زينه و يمدحونها, و انهم وايد يركزون على القرآن و الدين و العربي

هالمدرستين يقبلون من عمر 3 سنوات, يعني اذا تبين تقدمين للبيبي للسنه الدراسية اليايه لازم يكون مكمل 3 سنوات قبل 15/9/ 2024