خواتي في الله مدرس بمدرسة ولدي صف خامس اللي يدرس بمدرسة حكومية دوم مستقصد ولدي مع انه ولدي من الثلاث الأوائل ويضربه ضرب بالواير ويهينه جدام باجي الطلاب ويكتب له عبارات سلبية بدفتره أنت مشاغب وانت تحب المشاكل ومدري شو وآخر مرة ضرب ويهه ودف ولدي لين ما طيحاااه الأرض ولما قام رد دفاه مرة ثانية وولدي حليله سار اشتكى عند الأخصائي والاخصائي قاله عااادي مو مشكلة وأنا قبل سرت المدرسة واشتكيت على استاذ ثاني والحين مو عارفة كيف اشتكي عند الوزارة ؟؟ بموت من القهر ولدي حليله مقهور من الاستاذ والمدرسة دوم توقف ويا الاساتذه
ما أعرف شو رايكم اسوي
أسير أرمس الاستاذ وأهازبه هو والمدير عقب اسير الوزارة ولا شو اسوي بليز ردوا علي بأسرع وقت لان ابا اسير باجر أغسل شراعهم يا ليت تفيدوني ولو وحدة اشتكت قبل عند الوزارة تفيدني شو اسوي بالضبط وشو الاجراءات؟؟
حبيباتي بالنسبة للي يقولون ليش انتي ساكتة من قبل وتوج كلمتي ترا الاستاذ ما كان يضرب ولدي قبل هالاسبوع ضربه 3 مرات والولد توه اليوم خبرني
واللي يقولون وين ريلج بعد ريلي موجود وكل اسبوع يسير المدرسة يسال عولدي ويوم ما سار هالاسبووع يشوف اخبار الولد مع المدرسين الاستاذ استغل الوضع وقام يضربه مثل ما يقولون غيب يا قط والعب يا فار
وباجر انا وياه بنسير نغسل شراعه وبخبركم شو استوااا لاني ما اروم اتم بالبيت وريلي روحه يسير لازم ابرد حرتي فيه
ويزاكم الله خير
أخت حور الجنان
لو انا منج
بشل قشي وبسير المحكمة وبرفع عليه قضية يستاهل
مب مرة ولا مرتين دوم يكررها
الغلا خذي حق ولدج عن يكبر ويتعقد ويكره الدراسة
في وحدة نفس الشي بالمنتدة حطت سالفتها واشتكو وتمو يعتذرون ومادري شو اخر شي تنازلت
بعد ماتنازلت اتخيلي فصلو الولد مال اسبوع شي جي
وخل حد يسير يعطي المدرس كمن كلمة
مدرسين اخر زمن
لو بدالج بقلب عليه الدنيا
لكن هم دام اكثر من مدرس جيه ويا ولدج يمكن مشاغب وايد هم لا تعطين كل الحق لولدج سيري ويلسي ويا المدرس شوفي شو السالفه
وحلي الموضوع بين الطرفين
عاتبي وادبي المدرس وفهميه ان مب من حقه يضرب الطفل مهما كان
وهم كلمي ولدج وفهميه انه مشاغب واالخ
المشاركة الأصلية كتبت بواسطة برق لمع 
لو بدالج بقلب عليه الدنيا
لكن هم دام اكثر من مدرس جيه ويا ولدج يمكن مشاغب وايد هم لا تعطين كل الحق لولدج سيري ويلسي ويا المدرس شوفي شو السالفه
وحلي الموضوع بين الطرفين
عاتبي وادبي المدرس وفهميه ان مب من حقه يضرب الطفل مهما كان
وهم كلمي ولدج وفهميه انه مشاغب واالخ
هلا الغلااا مشكورة عالرد لا والله ولدي مو مشاغب يضربه عاشيااا سخيفة يعني ما عرف عنوان الدرس ابتسم بالحصة جاوب غلط وأشيااااأسخف عن جي والله ما تتخيلينهاااا
والمدرسة معروفة ان مدرسينهااا يضربون عاشياااا سخيفة ودوم اسير اشتكي القى الامهات مكودات هناااااك والادارة راضية بهالشي
المشاركة الأصلية كتبت بواسطة أحلام علي لو انا منج
بشل قشي وبسير المحكمة وبرفع عليه قضية يستاهل
مب مرة ولا مرتين دوم يكررها
الغلا خذي حق ولدج عن يكبر ويتعقد ويكره الدراسة
في وحدة نفس الشي بالمنتدة حطت سالفتها واشتكو وتمو يعتذرون ومادري شو اخر شي تنازلت
بعد ماتنازلت اتخيلي فصلو الولد مال اسبوع شي جي
وخل حد يسير يعطي المدرس كمن كلمة
مدرسين اخر زمن
هلا الغلااا والله طفرت من كثر ما اشتكي كل سنة يطلع مدرس زفت ومن قبل قلبت الدنيا على راس المدير نفسه ونقلت ولدي من الصف والله اتظاهر ما ينفع الا اشتكي عند الوزارة بس خبروني كيف
…