المركز الطبي الألماني؟؟

مرحبا بنات.. ان شاء الله تكونون بخير و صحة و عافية..
سؤال…
حد جرب المركز الطبي الالماني اللي في دبي لعلاج امراض النساء و الحمل؟؟؟ ادور على طبيبة متخصصة في امراض النساء علشان اتابع عندها سالفة الاتهابات و تأخر الحمل بصورة عامة؟ ما ابغي اسوي عندهم اطفال انابيب او غيره بس علاج..

اتمنى حد يفيدني..

اختي

نصيحة سيري عند الدكتورة حسنية قرقاش

والله يسهل امرج

مشكورة عالرد.. ما تعرفين كيف اسعارها؟ و هل تقبل التأمين و لا لا؟

انا اتبع عندها اول مرة بتاخد عنج 950 يمكن وتاني مرة 700 وهي موجوده بشارع الضيافه فوق بناية سيدار اتمنى اكون افدتج حبوبه

خواتي اميرة باحساسي و ام سلطان.. مشكورين عالرد.. الله يرزقكم باللي تتمنونه يارب..

بنت خالتيه تمدحهم للعلاج من تأخر الحمل

تقولي اسير عند الدكتوره ميدلر،،،،بس الصراحه ما سرت لين الحينه

هي دكتوره المانيه زائره

اتصلي بالمستشفى الالماني و اسأليهم متى تيي الدكتوره دبي و خذي موعد معاها من الحينه

لان اللي اعرفه انها زحمه و معروفه

و بالمواعيد الدقيقه

هي تعطيج العلاج و تشرف على الحاله و يوم اتسافر اتابعين مع دكتوره متواجده عندهم بصوره دايمه و اذا استوت اي تطورات هالدكتوره تكون على التصال بالدكتوره ميدلر (يعني مثل العلاج عن بعد) لين تيي زيارتها الثانيه و ترد تابع الحالات…و جيه.

اذا نفعج العلاج عندهم خبريني ختيه و يزاج الله خير (^_^)