المشكله ان مافي مشكله<<<والحينه انا معلقه!!

بنات انا وريلي تزوجنا عن حب
الحمدلله كنا نحب بعض ويوم عرسنا زاد الحب
نحن نقرب لبعض
المهم بعد ثمان شهور من الزواج انا حملت
وريلي استانس
كان وايد يحبني
المهم بعد ما ربيت
ريلي اتغير
ما ايي ولا يهتم
ويوم ايي عندنا بسرعه يبا يرجع بوظبي
المهم
الحين انا من شهرين مربيه وبعدني بيت هلي
رحنا بنتفاهم وياه
تعرفون شو قال
قال ان امي وابوي غصبوني ع الزواج
وانا ماريد اعرس

الحين ونحن بنكمل سنتين ونحن معرسين وعندنا بيبي
بعدين سار فوق يبا يشل له ثياب
اخويه سار له فوق
شافه يصيح

امه تقول يمكن مسوين له عمل ولا حسد
لان هو من البدايه كان وايد يحبج
قلت مادري
المهم اخويه رمسه
وقاله تعال بوديك عند امطوع
قال ان شاءالله
بس الحينه ما يرد عليه
وانا اتصل به ما يرد علي
ولا يرد ع مسجاتي
وما يرقد ف البيت
مادري وين يرقد
كل ما يسألوني وين ترقد
يقول ف شقه ويا الشباب
انزين لو يكرهني
ليش ما يرجع بيتهم ويرقد فيه
انا ف بيت هلي
هو يه شلنا من هني
وودانا هناك
بس اول ما وصلنا هو شل عمره وظهر
اتصل به ما يرد علي
بعدين يابوه واتفاهمو وياه
قال هالكلام
وامه قالت له ان حرمتك بتروح ويا اهلها
ما قال شي
والله مب عارفه شو اسوي
انا ماريد بيتي ينخرب وما ريد نطلق وولدي يعيش ويتربى بعيد عن ابوه
شو اسوي دخيلكن
امه قالت له حرمتك قصرت وياك في شي او زعلتك او طلعت عن شورك
قال لا ما فيها شي حرمتي وادري انها تحبني
بس انا مابا اعرس
شو اسوي بعمري
والله احس عمري ضايعه بهالدنيا
وراسي يعورني من كثر ما افكر
امه قالت لي لا تفكرين فيه
ها نذل مب ريال
وامي قالت لي نفس الكلام واخواني بعد
بس انا مابا اتطلق مابا
دخيلكن ساعدوني
ابا ريلي يرجع لبيته
ويرجع لي
ونرجع نفس قبل واحسن
انا اكتب لكم والدموع في عيني

لا اله الا الله
كيف جي اختي
دام انه سنتين وياج ومافيه شي
شو اللي غيره مرة وحدة بعد ولادتج
الله يكون في عونج
عليج بالصبر والدعاء وانشاءالله ربي ماييب الطلاق بينكم
الله يسر لج امورج
ويهدي لج ريلج
اللهم امييييييييييين

لا حوول .. الله يعينج و الله شعور مب حلوو و بالذات انكم ماخذين بعض عن حب

انا اقول لو ترمسينه و تذكرينه كيف كان قبل و كيف استوا الحينه و تحسسينه انج متظايجه لنه متغير عليج يمكن يحن .. و الله ايسر امورج =)

ما لك الا دعاء ليل ونهار انه يرده لك
الله يصلح امورك يارب

يالله شو ها !!!
ياربي من هل سويات الي ماخلت حد في حاله !!!
الله يرده لج

حبيبتي الله يكون في عونج ياااااااااارب الغالية ضروري حد يوديه عند مطوع لانه اذا لاقدر الله حد مسوله سو تراه الضحية ما تكون في وعيها عدل وما يقصدون اللي يسوونه ضروري حد من خوانج يوقف وياج هذا أول شي والشي الثاني ياخذونه بالغصب عند مطوع يقرأ عليه وانتي الغالية من تطهرين تمي اقري سورة البقرة .

السلام عليكم

الله يفرج كربتج اختي

بس دامه تبدل بهالطريقه فجأه من عقب ما كنتوا اوكيه

يعني عين ماصلت عالنبي وحد حاسدكم او مسوي لكم عمل

هالسوالف تصير الحين في كل وقت الله يبعدنا عنها

خذوه لواحد يقرا عليه ويرقيه ترى الرقيه زينه

والله يرده لج مثل ماكان ويستر عليكم

تحياتي