السلام عليكم
انا صارلي موقف مع معلمة عيالي وباكم تقولون لي رايكم فيه
وهل انا غلطانة ولا لا
المهم بنتي كان عندها امتحان تقويم علوم زانا ذاكرت لها بالبيت وبالاضافة للمذاكرة حليت معاها الاسئلة اللي في كتاب دليل التقويم
البنت راحت تمتحن والمدرسة كانت يايبة الامتحان من كتاب دليل التقويم
فلاحظت ان البنت تحل بسهولة ما شاء الله وقبل ما هي تكمل شرحها للاسئلة (لان الاسئلة نفسها مارة عليها)
فاتصلت فيني المدرسة زعلانة طبعا بعد ما عرفت من البنت ان الكتاب موجود عندنا
وهي تقولي ليش تذاكرين لبنتج من الكتا وهذا ما يصير وانا راح اظطر اني اعيد الامتحان … وكيف تبيني اساوي بينها وبين البنات الثانيات وووو…
هذا اللي صار وابي اسمع رايكم كمدرسات او امهات
هل غلطتي اني متابعة بنتي ةاييب لها نماذج امتحانات؟؟؟
انا صارلي موقف مع معلمة عيالي وباكم تقولون لي رايكم فيه
وهل انا غلطانة ولا لا
المهم بنتي كان عندها امتحان تقويم علوم زانا ذاكرت لها بالبيت وبالاضافة للمذاكرة حليت معاها الاسئلة اللي في كتاب دليل التقويم
البنت راحت تمتحن والمدرسة كانت يايبة الامتحان من كتاب دليل التقويم
فلاحظت ان البنت تحل بسهولة ما شاء الله وقبل ما هي تكمل شرحها للاسئلة (لان الاسئلة نفسها مارة عليها)
فاتصلت فيني المدرسة زعلانة طبعا بعد ما عرفت من البنت ان الكتاب موجود عندنا
وهي تقولي ليش تذاكرين لبنتج من الكتا وهذا ما يصير وانا راح اظطر اني اعيد الامتحان … وكيف تبيني اساوي بينها وبين البنات الثانيات وووو…
هذا اللي صار وابي اسمع رايكم كمدرسات او امهات
هل غلطتي اني متابعة بنتي ةاييب لها نماذج امتحانات؟؟؟
لا بالعكس انتي ما غلتطي وهذا دليل ع اهتمامج
هذي المدرسه مخرفه،، كيف ماتبغيك تذاكرين لبنتج،، هذا طبيعي ان الأهل يتابعون عيالهم وهذا ما تحثنا الإدارات التدريسيه على فعله ،، فكيف تأتي هاذي المدرسه وتقول عكس الكلام ،، تكلمي مع الإداره وأصري على عدم اعاده الإمتحان لإبنتك،، وهناك سؤال غريب إذا الطالب ماذاكر من الكتاب من وين يذاكر ؟؟؟؟؟؟
هلا والله بام اماني وثامبلينا
انا عاد ما قدرت اسكت عن الموضوع
سرت اليوم لهم المدرسة وخبرت الاخصائية بالسالفة
استغربت حليلها من كلام المعلمة
نادتها ويت المدرسة واعتذرت من وري خاطرها
المهم حاولت مني مناك ان تعيد الامتحان بس انا رفضت
فقالت بعيدة عشان كل الشعب مب حالين زين بعد قلتها ماعندي استعداد اذاكر لبنتي مرة ثانية
ما ادري ليش هيه راكبة راسها ومب عايبنها ان البنت حالة زين
والله يستر ويسامحها
انا عاد ما قدرت اسكت عن الموضوع
سرت اليوم لهم المدرسة وخبرت الاخصائية بالسالفة
استغربت حليلها من كلام المعلمة
نادتها ويت المدرسة واعتذرت من وري خاطرها
المهم حاولت مني مناك ان تعيد الامتحان بس انا رفضت
فقالت بعيدة عشان كل الشعب مب حالين زين بعد قلتها ماعندي استعداد اذاكر لبنتي مرة ثانية
ما ادري ليش هيه راكبة راسها ومب عايبنها ان البنت حالة زين
والله يستر ويسامحها
ا اذا ممكن اختي ايش هو دليل التقويم
واتوقع دليل التقويم هذا يكون عند المدرسة اذا ماخاب ظني..
بس انا اشوف ان مافيها شي.. يعني من وين بتييب الاسئلة من كوكب ثاني !!!!
ياختي صدق ماعنها سالفه زعلانه لنه البنيه حلت عدل !!
رمسي مديرتهم قولي لها البنت مب غاشه كانت تدرس وشدت حيلها وحلت زين
حرام تعيد الامتحان مرتين وتردين اتدرسينها من اول ويديد !!
شو هالمعلمه الصراحه تقهر!