لإني لاحظت كثير بنات يسؤلون عن الأعشاب الطبيعيةومن وين يقدرون يحصلونها..حبيت أطرح هالموضوع وأشاركم تجربتي لوجه الله تعالى…
المحل اللي أتعامل وياه إسمه : الســـواري للعسل والأعشاب والزيوت الطبيعية
العنـوان : الخالدية – دائرة المياه – خلف مخبز زهرة لبنان
الأشياء اللي جربتها من عنده :
الحنة اليمنية للشعر : الصراحة أنا مب خبرة بالحنة الأصلية المغشوشة …. لكـن اللي آخذها من عنده حسب خبرتي وإحساسي إنها لا يعلا عليها….الكيلو بـ 30 درهم ولي تقريبا شهر أستخدمها حق شعري وما شاءالله شعري طول ووايد تحسن عن قبل
بودرة دم الغزال : أخلطها مع الحنة كنت ماخدة قبل مرة من مكان ثاني لكن اللي عنده ما شاءالله تصبغ بشكل فظـــيع غير الأولية ولونها دموي غيـــر….جربتها على يدي اليوم …التولة ب 30…ولونها يصبغ بقوة اللي تريد تستخدمها تنتبه للكمية
المر : آخذه حجر من عنده وأنا أطحنه في البيت
اليانسون الكمون الحلبة : آخذه بعد حب وريتحتهم تكون حلوة
السـدر : ها اليوم أول مرة أشتريه..لا زال تحت التجربة
السفيد آب : لا زال تحت التجربة
زيت جنين القمح : مممم ما أقدر أحدد ..تدرون جربت أشتريه من كذا محل والمشكلة كل محل يكون ريحته ولونه ولزوجته شكل…فالصراحة ما أعرف أميز بين الأصلي المغشوشو وبـشكل عام للحينة ما تعاملت وياه كثير بالزيوت …
المحل كبير وتلاقون عنده معظم أسماء الأعشاب اللي تقرونها في المنتدى…وكل شي يكون مفرود والإضاءة زينة ..يعني تشوفون كل شي ع المكشوف
وعلى العموم بالعادة قبل لا أسيرله أتصل وأسأله إذا الشي اللي أريده عنده لا ..
ويا بنااات ..هذا الموضوع الغرض منه إفادة أخواااتي في المنتدى لا أكثــر ..وطرحت لكم الأشياء اللي جربتها عنده وحسب ظني كااانت أوكــي…فأنا أبري ذمتي منكم…اللي تسير تشتري ..تشوف وتسأل وتتأكد…
ويا ريت اللي تعرف عطار ثاني ..تخبرنا عنه عشان الفايدة تعم
ولا تنسونا من دعـوة ظهــر الغيــب
مشكورة الغالية
جزاج الله كل خير …من زمان كنت ادور هالمحل ولا قدرت اعرف وينه بالضبط
يزاج الله ألف خير وانا بعد أسير هالمكان عنده وايد أشياء حلوة وخاصة لزيوت الشعر وفي بعد مكان ناسيه اسمه عنده اشياء مب موجودة عند السواري إن شاءالله اذكر اسمه 
مشكورة الغلا انا من زمان ادور محل حق هالسوالف..
مشكووووره حبوبه
المشاركة الأصلية كتبت بواسطة ماحد شراتي 
يزاج الله ألف خير وانا بعد أسير هالمكان عنده وايد أشياء حلوة وخاصة لزيوت الشعر وفي بعد مكان ناسيه اسمه عنده اشياء مب موجودة عند السواري إن شاءالله اذكر اسمه
هلا حبوووبة ..يا ريت تحطين لنا الإسم ويزاج الله كل خير