المناطق السرية في عمان

وهذي الخارطة توضح خط سير الرحلة والمواقع بالضبط

ضربة النيزك Sinkhole
خرجنا من مسقط وسرنا على الطريق الساحلي بين مسقط وصور
الوصول لها كان اشبه بإعجوبة
في وسط البر والطريق طبعا مش مرصوف
حفرة عميييييييييييييييييييييقة مملوءة بالمياه الزرقاء المخضرة لونها روووووووووووووووعة

الناس في عمان يقولون انها صارت نتيجة نيزك نزل من السما و ضرب هذي المنطقة وأحدث هالفجوة العميقة في الأرض
والبعض الآخر يقول إن الإنهيارات الأرضية هي السبب الحقيقي لوجود هذي الحفرة
والحفرة لها سلم طوووووووووووووويل للوصول للقاع

السلم اللي تشوفوه هو نص المسافة بس

النزول كان سهل بس الصعود تكسرنا خخخخخخخخخ
نزلنا ويالروعة المنظر هدوووووووووووووووووووء والماي صافي لدرجة انج تشوفين الأرض والصخور
واللون روووووووووووووووووووووووووعة والماي باااااااااااااااااااااااااااااارد
ويرجع السبب للون المميز للماي هو اختلاط الماي المالح (البحر قريب من المنطقة) بالماي الحلو
سبحان الله منظر في قمة الروعة

بعدها قررنا انا نتغدى هناك وجلسنا كانت فيه مظلة وفرشنا وقعدنا ناكل
بس الذباب هلكونا ماتهنينا بغدانا
خخخخخخخخخخخخخخخخخخخ
طبعا مافي ولا شي حوالين المنطقة احنا استعدينا من قبل وجبنا أكلنا معنا

بعدها انطلقنا صوب منطقة راس الحد
وبالتحديد محمية راس الجنز
ويالروعة المكان والتجربة والله عمري ماراح انساها
رحلتنا كانت في شهر 8
ماتتصورون كيف المنطقة كانت بااااااااااااااااردة بالأخص في الليل
المنطقة تقع في ولاية صور وتطل على خليج عمان في المنطقة الشرقية

منظر لشاطئ راس الحد

الوصول لها صعب بسبب الطرق الغير مرصوفة الدرب كان متعب فعلا بس يستحق العناء
في فندق شاطئ راس الحد لابأس به وسعرة رخيص جدا كانت الليلة ب 200 درهم
بس مافي أي مطاعم في المنطقة فخذناعشانا من صور قبل لا نوصل
المميز في هالمنطقة هي محمية السلاحف
تجربة فريدة من نوعها وترسخ في الذاكرة
كل ليلة يتجمع السياح لمشاهدة منظر من أحلى المناظر للحياة الفطرية الطبيعية
كل ليلة تطلع مئات من السلاحف على الشاطئ علشان تبيض

هذي صورة السلحفاة وهي تتمشى على الشاطئ

شلينا نعولنا الله يعزكم ودخلنا في الرمل وطبعا في شخص هو الدليل يحمل مصباح يدوي صغير
السلاحف وايد تتأثر بالضوء وممكن انها تترك المكان لو تضايقت
شعور لا يوصف الجو بااااااااااااار وضوء القمر والبحر
وشوي شوي بدت السلاحف تطلع من البحر ماشاء الله وااااااااااااااااااايدين
بدينا نركز على وحدة والدليل حط الضوء عليها والمسكينة بدت تحفر في الرمل وبدت تبيض
حركتها كانت بطييييييييييييييييئة جدا
والله مافي كلمة راح تكرروها أكثر من سبحان الله
سبحانه اللي علمها انها تطلع وتحفر وتبيض وبعد ماتخلص تغطي البيض بالرمل
كانت وهي تبيض عيونها تدمع والله كسرت خاطري قلت احنا الحريم دايما نتألم
واحنا واقفين شفنا ثعلب من بعيد والدليل خبرنا ان تكثر الثعالب في هالمنطقة
المسكينة من تدفن بيضها يجي الثعلب ويطلعه وياكله

وهذي وحدة ثانية رايحة تسبح

اليوم الثاني من الفجر يتجمع السياح مرة ثانية لمشاهدة صغار السلاحف وهي تفقس من البيض وتطلع من الرمل وتتجه للبحر
ســــــــــــــــــــــــــــــــــــــــــبحان الله

المنطقة الثالثة وأنا متأكدة إن أغلبكم راح يحبها هي المنتجع السري وهي للي يحبون الرفاهية والرومانسية وهو

منظر الفيلا

هو اسمه مخبأ 6 سنسز
المكاااان خياااااااااااااااااااالي وهادئ وجمييييييييييييييييييييل
كنت أدور على منتجع يكون المسبح خاص داخل الغرفة
الموقع بين الجبال والبحر مقابل الفلل وفي مسبح خاص
المكان رومانسي جدا ويصلح للإحتفال بذكرى الزواج أو حتى العرايس اللي مايقدرون يسافرون مكان بعيد
وعلى فكرة هو قريب من دبي تقريبا ساعة وفيه الكثير من الخصوصية
وفي عرض خاص بعد للعايلات اللي عندهم عيال يعطوهم خصم خاص

نزهة في الجبل

هذي بعض الصور للمكان

شوفوا كيف الأبواب تنفتح على على البحر مباشرة وطبعا ممكن تتسكر

وهذا كل شي ودمتم سالمين

الصور منقولة للأمانة

لمزيد من التفاصيل أضغطي على الرابط أدناه….

*^^المناطق السرية في عمان….. لا أسرار بعد اليوم^^*

المشاركة الأصلية كتبت بواسطة أم لووودي

وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااو
وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااو
وااااااااااااااااااااااااااااااااااااااااااااااااا ااااااااااااااااااااااااااااااااااااااااااااو
وااااااااااااااااااااااااااااااااااااااااااااااااا ااااااااااااااااااااااااااااااااااااو
روووووووووووووووووووووعه
سبحان الله

مشكورة الغالية مرورج أسعدني والمكان فعلا وااااااااااااااااااااااااو
وسبحان الله مافي شي أحلى من الطبيعة

المشاركة الأصلية كتبت بواسطة minoucha

والله وايد غاوي المكان

ثانكككككككككككككككككككككككك يووووووووووووووووووووووووووووو