النجده – اللي تدرس في جامعة عجمان تدخل ضروري

السلام عليكم ورحمة الله وبركاته ..

بنات شحالكم ؟؟

ابغي اسألكم جامعة عجمان وايد بعيده على اللي ساكنين دبي ؟؟ وبالتحديد جميرا ؟

لاني بسجل فيها انشاءالله بس وايد احاتي الدرب .. في وحده قالتلي انها يوم اداوم تاخذ شارع الامارات

!!

خبروني اذا انا ساكنه جميرا كيف اوصلها ؟؟ وخلال كم دقيقه اكون فيها ؟؟

الله يخليكم لا تطنشوني عالاقل اللي ماتعرف تدعيلي ان الله يوفقني

يزاها الله خير اللي بترد والله يفرج عليها دنيا آخره ويسعدها ياااارب

؟؟وينكم

ما اعرف اسمحيلي …….. الله يوفقج ويسر امرج

اختي انا تونيه تخرجت منها واااايد تعب عليج ..

بس اذا عندج اراده قوية بتواصلين ..

في من ربيعاتي ساكنات جميرا ماكملوا وفي منهن ضغطوا على عمراهن وتخرجوا

انا نصيحتي لج اذا بتدخلين خذي مواد وايد عشان تتخرجين ولا تفوتين الصيفي عشان تتخرجين بسرعه
ودعواتي لج بالتوفيق

بس سؤال؟ ليش بالذات هاي الجامعه
في جامعات واايده في دبي

نور القمر 2024

الغاليه لاني انا متخرجه سنة 2024يعني الصيف اللي طاف وعرست ووقفت سنه كامله

وكنت ابغي جامعة زايد بس نسبتيه ما تأهلني .. ووايد مدحولي جامعه عيمان

وحستبها مناسبتني في كل شي الا الدرب هو اللي احاتيه ..

في ناس قالولي الدرب ياخذ 35 دقيقه تقريبا .. ياريت تخبريني الدرب وايد طويل ولهالدرجه
بيكون تعب عليه ؟؟ خصوصا اني أم وولديه توه مكمل شهرين

انا اللي اعرفه انه جامعه عجمان مب شئ …

انا كنت بحول الها بس محد مدحها لي ..

والله يوفقج يارب

هلا اختي انا اللى اعرف ان جامعه عيمان اسهل جامعه يعني مابتعانين لان انا من جامعه زايد وفي الصيف خذت كورس عندهم بصراحه كاااان تافهه جنهم يعلمون يهال حتي اذكر ان المدرس مال الكورس " الانقليزي " قال لي اشتغل وياه لان كنت اتفنن وماكان يعيبني اسلوبهم في التدريس يكون مثل محاضره بدون كمبيوتر ولا شي بس في يوم قررت ان يوم اعرض الهوم ورك بالكمبيوتر وحسيت ان المدرس استانس وحتي البنات عيبتهم الفكره
ع العموم بخصوص الدرب جربي قبل ما تسجلييييييين اطلعي الصبح من البيت وسيري جامعه عيمان وشوفي الوقت اللى بتاخذينه وهل يناسبج الدرب ولا
وعن العنوان " عقب ستي سنتر تسيرين سيده لين الاشارات وبيكون مسجد الشيخ زايد علي ايدج اليمين وانتي يايه من دبي خذي اللفه يمين قبل الاشارات وسيري سيده بيج مستشفى خليفه كملي سيده وبتشوفين الجامعه