شحالكم وشخباركم ان شاءالله بخير
الله يسلمكم انا سالفتي سالفه انا فيني وسواس بيذبحني بخصوص بنتي الصغيره الله يسلمكم بنتي عمرها 3 سنين ونص لما اروح الدوام اتم طول الوقت احاتي واتخيل اشيا موب زينه بتستوي واقعد كل شوي اتصل ع البشكاره اسأل عنها واحيانا اذا البشكاره مشغوله وماردت علي تبقى الشكوك ادور فراسي ان استوى شي ومااخليها اتروح عند عيال عمتها وعمومتها بدون مااكون وياها او البشكاره وياها من شوي ريلي ساير عند اخته ودق لي انه خلاها هناك تلعب مع الصغاريه وانا احتشرت عليه انها ماتقعد دقيقه اخاف اطيح او يستوي شي وهو طبعا زعل مني بسبة هالشكوك الدايمه وحتى ااذا سرنا مول لازم عيني عليها ومااخليها اتروح عني مكان ولو غابت ثواني عادي اصارخ من الخوف واحيانا اذا سرنا عند قوم ابويه مااخليها تنام هناك والسبب ان فلة ابوي الطابق اللي يفوق مفتوح ويطل ع الصاله واتم اتخيل انها بطيح واشياااااااااااااااا واااايد حتى وهي نايمه اتحسسها انها تتنفس
وهالشي متعبني وايد ومظايق ريلي مني ..
شو هذا اللي فيني والله العظييييم تعبت
((اللهم اني استودعتك ابنتي فحفظها )) او (( استودعيكِ الله الذي لاتضيع ودائعه))
واقري عليها اية الكرسي وان شاء الله مايضرها شيء ..
..اختي دايما حطي في بالج إنه (( رحمة الله أكبر من رحمتج لبنتج بواااااااااايد ))
وبيروح عنج الوسواس..أسأل الله أن يحفظ لك ابنتك ويبعد عنك كل ســوء آمين
و ابعدي هذا التفكير قد ما تقدرين عليه
كل الامهات يحبون عيالهم و يخافون عليهم بس هب لهذي الدراجه
شلي هالفكره من راسج و ذكري الله دائما
(قل لن يصيبنا الا ما كتب الله لنا هو مولانا وعلى الله فل يتوكل المومنون)
وفقتج ربي دنيا و أخره و حفظ لج بنتج