الوصفة السحرية لتقوية العلاقة الزوجية .ادخلو وادعولي

بسم الله الرحمن الرحيم
طبعا كل وحده فينا تتمنى ان زوجها يتم يحبها وما تكون بينهم اي مشاكل وما يشوووووف غيرهااا ا
نبدأ

1-اول شي الوحده تصلح علاقتها ويا ربها يعني لوكانت مقصره فالصلاة او قراءة القرأن او الاذكاراو اي شي ثاني تحاول تغير نفسهاااا لا تقولون شو دخل ها الشي فعلاقتنا لا بالعكس اذا غيرت نفسج بتلاقين ان ريلج بدا يتغير باذن الله لان الله سبحانة لو حبج كل الناس بتحبج وهذا الشي مذكوور في الحديث القدسي00

2-ادعي لزوجج في كل صلاة ان الله يهديه ويصلح حاله ويبعد عنه رفقاء السووووء ترا محد يخرب الريال غير رباعتة والله عن تجربة شوفيييه اذا رابع ناس مدينين يخافون الله بيستوي شراتهم وبينصحونه بالاشياء الزينة واذا رابع شباب صيع بيخربونه ترا الواحد اللي مب زين يبا الناس تستوي مثلة وهذا مب كلامي كلام الرسول صلى الله علية وسلم المرء على دين خليله).

3-حاولي ما تعصبين ولا وتتشكين وايد ترا الريال يحب الحرمة الهادية ويشرد من المشاكل يعني عاملية بحنان دلعية مثل الطفل وذا عصبتي علييييه حاولي تمسكين اعصابج وتسيرين الحجره بتلاقيينه هو يتلوم فيج ويراضيج بس لو سبيته وعصبتي بينكد عليج وانتي الخسرانة صدجقيني الريال مثل الطفل يرضى بكلمة بسيطة0

4-انصحيييه بهدووء يعني على حسب لوكان مايصلي كل الصلوات فالمسيد أخذيله كتيبات عن الصلاة فالمسجد وان صلاة الريال ما تيوووز فبيته ولا تكثرين فالنصايح اشوي اشوي علية وبالتدريج خليه يحاول يلتزم بكل الصلوات ترا لو خاف من الله والتزم بصلاته ما بيخرب على عمره وبيكون احسن وياج لان الانسان اللي مايشكرررر الله ما يشكرر الناس كيف تبينة يقدرج ويشكرج وهو اصلا ما يشكرررر ربه .

4-حاولي اذا امه عايشه تخلينه يبرها وقوليلله بين وقت والثاني خلنا نشتري لامك هدايا خليييه يزورها دايما ترا بيستانس لو كنت تحبين امة وبعدين لو برها وذكرها بالخيراكيد بيكوون فييه خير فيج وفعيالج

5-حاولي تهتمين برشاقتج وجمالج وملابسج دايما كوني حلوة فنظره مب لازم تتمكيجين كل يوم البسي لبس حلو وعطر خفيف وخلج مرات طبيعية رتبي شعرج وسوي الاشياء اللي يحبها0

6- اطبخي له الاكلات اللي يحبها ولو ماعنج وقت علمي البشكارة ترا الرياييل يتفشخروون جدام اهلم ورباعتهم ان حرمته سوتله اكله معينه او كيكه اي شي بسيط مب كل اليوم العيد عاااد على الاقل مره فالاسبوع0

7-اقري قران عقب كل صلاة لو صفحه اكيد بيقلدج وبيقرا هو بعد وحافظي على اذكارج واكيد لو بدا يلتزم فهاذي الاشياء بيكوون لج اجر كبير فهدايته وبتغير وانتي الكسبانة بس لاتيئسين بسرعة طولي بالج مدام انتي مرتبطة فيييه خلاص لازم تحاوييين واصبري.

لو بديتي اطبقيييين هاي الاشياء باذن الله بتلاقييين نتيجة ررررر عة وخلاص اصبوعي عورتني من الكتابة يالله الله يسخرلكم ازواجكم ويهديهم

تسلمييييين الغاليه على هالموضوع..

يعطيج العافــــــيه عزيزتي وماقصرتي عالنصايح الطيبه,,

يعطيج العافيه وتسلميييين على النصااااااااااااااايح..

يسلمووووووووو

الله يعطيج العافيه علا الموضوع

تسلمين يالغلا