اريد انضم لسلسة التاجرات في المنتدى بس ما اعرف كيفية توصيل المنتج للزبونات؟
وايد اسمع عن شركات مثل ايمبوست وايليت و….و……..
فإذا بتشرحن الطريقة اكون شاكرة لكن ويكون ان شاء الله في ميزان حسناتكم
شخصيا اتعامل مع امبوست ..اشترك وياهم و اخذ كوبونات بالكميه يظهر عليه ارخص و يكون سعر التوصيل فقط 15 درهم و ا هذا ارخص سعر تلقينه ..طبعا تدفعه الزبونه مع الطلب..و عندي الايداع مسبق على حسابي في بنك دبي الاسلامي و هالطريقه احسن لان مافيها رسوم تحويل ..لان لو الوحده حولت من الصرافه مثلا الانصاري ياخذون 20 درهم رسوم تحويل
وايد تاجرات يعتمدون طريقة سلم و استلم اللي انا كنت استخدمها بس عقب ودرتها..اولا بسبب عدم جدية العديد من الزبونات في الستلام طلباتهم و ثانيا في حال عدم استلام الزبونه الطلب انتي بتدفعين من جيبج قيمة توصيل الطلب اللي هي ما استلمته
سلم و استلم عموما يكون سعرهم 25 الى 30 درهم تدفعه الزبونه ..او انتي اذا الزبونه خونت فيج
شركات سلم و استلم هم ايلايت بس معروفين ببطئهم الشديد لين يردون بيزاتج ..من غير عندهم مشكلة اختلاس بسبب واحد من الهنود اللي يشتغل عندهم..فالحين يتأخرون اكثر في اعادة بيزات التاجرات
شركة بروفشنال حراميه و سراقين ..نص البضاعه يسرقونها و النص الثاني يخشون البيزات في جيبهم << حاقده عليهم ههههههه
و شي المندوبين الخاصين و هنيه ماشي اي ضمانات الا المندوب الامين الثقه و الاخوات التاجرات ممكن يدلونج عليهم
ز شي ارامكس بس اسعارهم غاليه للتوصيل..و انا ما تعاملت وياهم في توصيل طلباتي
لان حاليا مرتاحه من طريقتي ..اضمن بيزاتي.. و اضمن ان طلب الزبونه بيوصلها بسرعه و لين بيتها ..لان امبوست يوصلون لين البيت
بس باقي الشركات لا..مجرد يوصل المنطقه و يدق للزبونه يطلب منها تيه في المكان اللي هو فيه ..او يقولون للزبونه تي مكتب الشركه