كوني كنت معلمه سابقا كان عدنه ضغط واااايد مو بس في التدريس و في الانشطه المطلوبه منه سواء من التوجيه او اداره المدرسه.في التدريس لمن نقدم حصص نموذجيه او عرض لنشاط معين في الحصه خاصه لو الدرس فيه قصه..والحين مطلوب شغلات وايد اندخل فيها التكنولوجيا يعني انا كنت معلمه لغه انجليزيه وكان فيه مجاال واااسع استخدم فيه الكمبيوتر والاب توب وغيره..من مشاريع و مسابقات ودايما الابداع كان دائما مطلوب..وحتى بشغل المدرسه اشلون نحفظ الشغل و نعرض انشطه المدرسه بشكل جميل و مبدع وحفلات التخريج ووو…
يعني وايد في تدريسنه استخدمنه ها البرنامجين..
ابي افكار للمستقبل شنو اتحسون محتاجين يتوفر لنه لتسهيل التدريس ويخليه ممتع
،،
حبيبتي ما شاء الله عليج أفكارج متميزة أهم ما في الموضوع إعطاء الإبداع الفرصة و السعي لتطبيقه على أرض الواقع . . .
أقترح عليج المسابقات و تخصيص مجال من الحصة فور فري لو آخر خمس دقايق خليها للسوالف والضحك فقط (أمر ممتع)! والله ما تعرفون كيف بيأثر في نفسية الطالبة . . . كان عندنا محاضر بالجامعة يسوي معانا هالحركة وكنا نعشق كلاسه لدرجة ما تتخيلينها .. أنا لومعلمة كنت بستخدم هالطريقة كم تمنيت أدخل تدريس .. بس مجالي [نفسي] .. أخصائية نفسية . . . – الحمد لله .
المهمممممممممم ،،،
عندي اقتراح ثاني بعد الله يسلمج ممكن تخصصين حصة وحدة كل كورس تخلينها يوم مفتوح لطالباتج يبرزون إبداعاتهم ومواهبهم بالإنجلش ..
هذا اللي يه عبالي و الله يوفقج يارب ~
