خواتني عندي مشكله واضعها بين ايديكن اتلمس الردوكن الى تقودني الى درب صحيح
اعاني من عناد زوجي اتعامل بالمثل انا الى بالاخير اتعب
اتعامل بالطبيب لا اوصل الى مرادي مره قالي عاملني بطيب وشوفي مردودي الايجابي
بالفعل تجاوزت المرحله وصرت اطيب من الطيب
وللاسف لم اوصل الى مرادي
صار خلاااف بينا من اسبوع وونفس اليوم كان عنده بينام في الدواء خدت موافقه للنوم ف بيت اهلى
وبعد كم يوم اتفاجاه منه عدم اتصاله ولا سواله
انا بدوري كابرت وقلت انا ما غلطت
ومن كم يوم بغيت يمر ياخذ بنته مريضه تجاهل
الوالده قامت بالازم وبعد يومين اطرش مسجات ولا يرد ولا يرد ع اتصالات كوني بحاجه الى مال لي
واليوم كلمته اريد اغراض مهمه من البيت وعشان اهدي الموضوع الى بينا قال روحي بنفسج البيت وخذيها وسكر التلفون بويهي وما عطاني مجال اتكلم
بنات انا لو اقولكن مش مقصره بس مرات اعصب بس ارجع
واعتذر مرات انهار بالبكاء و مرات اكون شخصيه جامده
وسلامتكم
ان شاء البنات اللي عدهم خبرهـ
ما بيقصرن وياج
ان شاء البنات اللي عدهم خبرهـ
ما بيقصرن وياج
والله ها العنااد فيني انا عكس ريلي
معليش استحملي الحياه مو كله حلوه المر اكثر
اسحبي زعل وغضب زوجك اضغطي على نفسك حاولي تحطين لزوجك عذر
احتوي قلب زوجك وروحي بيتك وخلي الامر عادي والزوج والزوجه مابينهم كرامه كرمتهم وحده وهو زوجك وحبيب قلبك وابوى عيالك وبعدين اكيد في زوجك اشياء حلو يعني صفات حلوه انتي شوفي الحلو وبس
يعني خلي حياتك شمعه من الفرح ولو كان فرح مع اشياء تنغص الحياه اتمنى لك التوفيق
فديتج ارجعي بيتج وانسي كل شي واذا رد تمي ساااااااكته ولاتحاسبينه ع شي وحاولي ماتحطين عينج بعينه
وهو لما بيشوووووفج جيه بيستغرب وعقب برووحه بيي يرمسج
اهم شي تكونين هاااااديه بس اسإلي اذا يبا غدا أو عشا او اي شي
بيموووووووت من داخله وبيقووووول ليش ساكته ليش ماترمس وليش وليش
حبيبتي جربي وبشوفين
وربي يبعد عنكم الزعل ويسعدكم