انا وريلي وامه واخته بنسير العمرة عقب شهر،، وهذي اول مرة لنا،، بغيت اعرف كيف اقدر ارتب جدول الرحلة (مكونة من 4 ايام). يعني هل نوصل جدة ونيلس فيها يوم وثاني يوم نسير مكة ونعتمر، وهل الأفضل نقعد ف مكة يوم كامل وثالث يوم نرد جدة أو الأفضل نعتمر وعلى طول نرد جدة،، وهل المواصلات ف جدة متوفرة عسب نلاقي احد يوصلنا لين مكة..كيف مكة بتكون شهر 6، زحمة ولا عادي.. افيدوني الله يجزاكن كل خير..
حجزوا طيران من الامارات لمكه والعكس..
روحوا مكة على طول من مطار جدة … وياريت لو تحجزوون فندق منيه احسن او اون لاين ,, وتقدرين عن طريق مكتب سياحه.
وتموو في مكه ,, واعتمرووا واذا حبيتوا روحو المدينة ورجعوو ثاني يوم او نفس اليوم بس الدرب اظن 4 ساعات,,طوووووووويل ,,
في جدة لاتموون لان المدة 4 ايام بس ,,,
اذا مابتروحون المدينة,, بتمون في مكة كل المدة ومن مكة للرجعه من مطار جدة ..
في التلفزيون وقت صلاة المغرب الحرم المكي يبين مزحوم بس في شهر 6 ما عندي فكرة و نحن بالعادة نتعامل مع شخص هناك نعرفه اذا بغيتي بيكون اوفر لج اعتقد يعني نحن نحجز التذكرة ونرسل له بالمسج رقم الرحلة والاسامي وهو يرتب لنا السايق والفندق وقبلها يخبرنا الاسعار واذا عجبتنا يحجز وطبعا ما يطلب البيزات الا بعد ما توصلون وتسكنون وثاني يوم يتصل فيكم وياخذ البيزات بس لازم تسالونه كم قيمة السيارة والسكن والتوصيل من والى المطار بس طبعا في مكة فقط بالنسبة للمدينة ما يعرف حد …
* احسن لكم لو تعتمرون وثاني يوم تطلعون على المدينة ومن المدينة على المطار ولو تخلون الردة على مطار المدينة احسن …
من بعدها تاخذون سياره الى مكه تقريبا 3-4 ساعات على حسب السرعه و التوقفات .. و طبعا الاحرام يكون في الطريج في مسجد الميقات (ذو الحليفة) تصلون فيه و تنوون العمرة .. (لبيك اللهم عمرة)
و توصلون مكه تحطون اغراضكم و تريحون و تنزلون الحرم للعمره .. يومين .. من الفنادق الممتازة ابراج زمزم و التوحيد .. وايد قريبه من الحرم .. تقدرون تتصلون بهم و تحجزون لنه المشكله ما لقيت لهم حجز في مواقع الحجز في النت ..
الله على الحرم ….الله يبلغكم العمره ان شاء الله يردنا لمكه عاجل غير اجل …
اقعدوا في مكة بس و جدة مالها داعي
و لا تحاتون المواصلات من تطلعون من مطار جدة بتشوفون الكل يناديكم
و الافضل تشوفون مكتب للعمرة يحجزلكم كل شي من تذاكر و فنادق و مواصلات
و عمرة مقبولة مقدمااا
Miss cavalli
مخططتها رااائع .. ( المدينة + مكـة ) .. أهم من جدة
الله يبلغنــــا يااااااااااااااااارب ^^