الي عندها تجربة مع الاجهاض تدخل

مرحبا حبيباتي

شحالكم

عندي سوال عن الاجهاض

الحمدالله انا من يومين عرفت اني حامل

واليوم نزل عندي شوي دم

وقبل 3 اشهر انا اجهضت واخاف يصير لي نفس الشي

انا رحت للدكتورة وعطتني ابره ودوا مثبت

وقالت لي ما احاتي
بس
بعده بالي مشغول منو كانت حامل وصار لها نفس الشي _ نزل عليها دم_ كيف اعرف ان حملي مابيطيح او ان بس قطرات دم وبتوقف انا وايد وايد خايفه

انا يوم كنت فالشهر الثالث نزلي عليه كم قطرة دم .. وقالوالي فالمستشفى اني لازم ارتااح ..
واتم منسدحه وما ارقى الدري واريح عمري قد ما اقدر ع الاقل 3 ايام متواصله ..

والحمد لله راح عني الدم وافتكيت .. ربي يسهل عليج ويثبت ضناج ولا يحرمج شوفته ..

ودعواتج ربي يسهل علي ويفرحني بفرحة عمري وشوفة ضناي .. ويرزق كل محرومه بالحمل السليم ..

حبيبتي انا اجهضت من 8 شهور تقريبا والحين في بداية حملي مثلج متخوفه وخايفه بأي وقت ينزل علي دم~ بس لاتحاتين اكثرية النساء يصير لهم اجهاض في اول حمل والحمل الثاني يثبت ان شاء الله .. دام ان الدكتوره قالتلج لاتحاتيين ف فعلا لاتحاتيين واكثري من قرائة سورة البقره وفي كل سجده ادعي الله يثبت حملج ويرزقج بالذريه الصالحه ~
صدقيني نفسيا بترتاحين بس من حقج تخافين وانا مثلج اوسوس احيانا~

فديييييييييييتج الله يحفظ جنينج ويثبته لج ياااااااارب

انا اجهضت وكنت في الشهر الاول .. ونزل علي دم مع الآلام وعقب قالولي ان نزل البيبي الحمدلله على كل حال

والحين انا حامل في الشهر الخامس ونفسج والله متخووووفه من اي شي غريب يصير لي

وهالشي طبيعي

داومي على ادويتج وريحي عمرج قد ما تقدرين

الله يثبته لج ان شاء الله

عادي مرات ينزل دم شوي اذا كان موعد الدوره

فلاتحااتين ان شا اءلله غير

مب لازم نزل دم يعني اجهاض

الله يثبت حملج ان شاءالله..

شكرا ع المرور

والله ريحتوني

الله يرزقنا الذريه الصالحة ويثبت الي في ارحامنا