الي عندها فكره عن ربط المعده تدخل بلييييز

مرحبا سيدات الامارات ابي اسوي ربط معده لاني تعبت من كثر ماسوي رجيم بس بدون فايده وانا دخلت 80 الحين برايكم وين احسن مكان اسويلي ربط معده وكم تكلف العمليه ؟؟؟ الي عندها الجواب لاتبخل علي

للرفع

مسااااء الخير اختي العزيزه بصراحه انا ضد هالمواضيع وانا دخلت عشان اعطيج وجهت نظري ونصيحه في نفس الوقت ….حبوبه انتي وزنج مب كبير لدرجة انج تياسين وتسوين ربط معده انتي سكرتي كل ابوب الحلول بوجهج مشكلتنا نحن كابشر مانحب نتظر النتيجه لوقت طويل نبا كل شي بسرعه يستوي هذا اكبر غلط نسويه …. لو فكرتي فيها انتي لين وصلتي الثمانين خذتي يوم ولا يومين لا طبعا نفس المده الي زدتي فيها الوزن يبالج وقت لين تنزلينه لانه هذا وزن كبير ودهون يبالها وقت تحترق وتخلصين منها ……انا بعطيج نصيحه واتمنى تمشين عليها وتفيدج صدقيني راااح ينزل وزنج يباله تنظيم رقاد + تنظيم وقت اكلج + تنظيم وجباتج انها تكون صحيه + شرب ماي بمعدل مناسب +رياضه مستمره =توصلين بصحه وسلامه لرشاقه لا عمليه ولا حبوب ولا ادويه …..في حالت انه انتي اتبعتي كل هذا وما نزل معناته عندج مشكله في الغده والهرمونات وهذي يبالها علاج بسيط وتردين تنزلين نورمل انتي الحين تقولين سويت كل انواع الرجيم وما فادني خلاص روحي افحصي الغده والهرمونات وشوفي النتيجه يمكن فيه خمول عندج في الغده …….انا بقولج عن نفسي كان وزني 113 هذا قبل 6 شهور والحين دشي قروبي الي هو % نظام التخفيف والرياضه المستمره % الجزء الخامس وشوفي كم وصلت انا ما احب النزول السريع كل اسبوع انزل كيلو ولا نص او كيلو ونص استانس واطير لانه النزول الصحي هو النزول البطئ مش السريع واذا نزل وزنج بسرعه حطي في بالج هذي سوائل الجسم مش الدهون الدهون تاااخذ وقت فنصيحتي لج امشي على الي قتلج عليه واذا ما فادج روحي افحصي ويمكن يكون هذا هو السبب الرجيم القاسي او الحرمان ماراح يساعدج في شي لو نزلتي راااح تردينه دبل وبعد ازيدج من الشعر بيت انا اختي كان وزنها 134 كيلو تبارك الرحمن كانت تهمل نفسها تاكل ولا تحاسب وماتوقعت انها راح توصل لهذا الوزن بس لانها قصيره ما بين عليها هالوزن تبين متينه بس مب هالوزن يوم وزنت انصعقت والله الحين تبارك الرحمن نزلت 23 كيلو من دووون عمليه ولا حبوب تخفيف اكل وانا شديت عليها ودخلتها نادي وقامت تحاسب في كل شي والحين طايحه بالجريب فروت وجاي الاخضر وسلطات لانها تغيرت 360 درجه في كل شي …..ساعدي نفسج قبل لا تتريين الناس تساعدج اذا انتي ما قويتي العزيمه والاراده ماراح توصلن لا اي شي تبينه حطي هالشي في بالج وانا دائما اقول لبنات قروبي مهما كانت النتيجه مابا تحبط او ياس او ضيج حطوا في بالكم انكم الاسبوع الي بعده راااح تعوضون وحبي نفسج وشوفي عمرج دووم في صوره حلو راااح توصلين للهدف …..اعتذر على الاطاله بس حبيت اقولج الي في خاطري سبحان الله يمكن افيدج ويمكن اغير تفكيرج والسموحه منج ولا تنسينا من دعواتج الخيره ….اختج غلا نفسي…..

مشكوره عزيزتي وصدقج انا ابي كل شي بسرعه يعني اسوي رجيم واخر الشهر اجيك اشوف اني مانزلت ولا شي وهالشي يحطمني وااايد وارد اكل من اول ويديد .. بس ابي اعرف اختي وين اروح عسب اشوف الغده وشو اقولهم ؟؟ ومشكوووره الغاليه عالنصايح وانشالله بمشي عليهم*

هلا اختي لا شكر على واااجب ويسعدني هذا الشي اني قدرت افيدج سمعي حبوبه روحي اي عياده او مستشفى قولي لهم ابا اسوي تحليل كامل غده والسكر وتكرمين البول بتقولج ليش قوليها انج تسوبن رجيم ومانزل وزنج وتبين تتاكدين هل عندج خمول في الغده ولا لا وانا مسويه هذا التحليل قبل والحمدالله ما عندي مشكله انا سويته يوم كنت مثلج اسوي رجيم وما اضعف فطلعت المشكله اني مب منظمه نفسي من الاساس والحين نظمت وفتحت قروب منه يفيدني ويفيد خواتي المشتركات وتشجيع لي ولهم وان شاءالله النتيجه تكون سليمه وتتبعين النظام الي خبرتج عليه وباذن الله الووواحد الاحد يفيدج موفقه اختي …..

للرفع

ربي يوفق الجميع في رحلتهم لعالم الرشاقة