لو سمحتن يا أخواتي عندي سؤال محيرني وااااااااااااااااايد
لاني شفت اسعار الفستان غالية جدا في الامارات ——> قررت أسير السعودية وافصل
فستان هناك —> لكن صديقتي تقول بأن قماش الفستان مب شي –> يعني لازم إنتي تشترين قماش وتروحين عشان يفصلونه لج
زين خواتي حد جرب يفصل في السعودية لاني ابغى أعرف آرائكم في الموضوع
ومشكورين مقدما ويزاكم ربي الجنة إن شااء الله
مبروك مقدما ويامرحبا فيك بالسعودية
انا فصلت فستان زواجي بالرياض عند المصمم احمد البدوي وكاااان قمة في الروعه والقماش انتي تختارين الي تبين بس صراحة كل الناس امدحوه
وبالتوفيق ان شاء الله
الف مبروووك والله يوفقج
و عندج التاجرة نجمة الفجر 2024 عندها فساتين من السعودية قمة الروعة و شيء شراتها بالامارات سعرهم أكثر ..
و ان شاء الله تحصلين بالتوفيق
فديتج صديقتج اكيد مو فاهمة او الموضوع كان مجرد تخمين ,, اقولج حبيبتي نحن هنيه في الامارات للاسف الموضة اول شي توصل السعودية وعقب فترة توصل عندنا الامارات ,, بالنسبة للاسعار ليش غالية هنيه وليش هناك رخيصة ,, فديتج هنيه كل شي غالي مب الفساتين بس ,,, ابسط مثال قارني مع علبة النيدو شوفي هنيه بكم وفي السعودية بكم ,, فالغالية هيه صح على قولة اختيه IT انا اوفر فساتين من السعودية لكن الصراحة لو ترومين تسيرين هناكي يكون احسن بتختارين على راحتج ,, يعني تقدرين تسوين من عند اي مصممة او مصمم يعجبج مب شراتنا هنيه كل واحد على حسب الميزانية وابسط مصمم عندنا اسعارهم تبدأ من الخمس الاف وطالع ها بالنسبة للفساتين البسيطة مب السهرات بعد عافانا الله ,,
ما يخصه سالفة القماش ها شي انتي تختارينه لو تبين الفخم موجود ولو تبين الوسط موجود ولو تبني الرديء موجود ,,,
والسموحة والله يوفق الجميع وييسر الخير للجميع ان شاء الله دنيا واخره
@ اختكم في الله @
ام ناصر 
بس وين ما ادري خخخخخ