خواتي انا بديت اسوي رجيم بس طبعا لابد من التخبيص ..
رجيمي هو تخفيف + رياضه + شاي الرجيم مره فاليوم قبل الرقاد
بالنسبه للرياضه
مشي 3 مرات فالاسبوع عالجهاز لمده نص ساعه عسب لا تستويلي عضلات وما ينزل وزني …….
واوقف على جهاز الكريزي فيت هذا اللي يهز لمده 10 دقايق الصبح وعشر دقايق قبل الرقاد …..
بديت تاريخ 7 /10 /2017
وقررت اوزن عقب اسبوعين
وزنت اليوم 23/10/2017
وطلعت ناااازله 3 كييييييييلو
استانست وااايد
بس كنت ابى اعرف معدل نزولي اوكي ولالا
يعني لو استمريت اعتقد فالشهر بنزل 6 كيلو
واذا في وحده تبى تشاركني مرحبا بها …
المكونات في الخلاط تحطين عصير اناناس كي دي دي + 1 كيوي+ شريحة اناناس +عصير ليمون وتشربينهم بدال وجبة العشا او مع العصير شي خفيف
مفعوله جدا مميز…..موفقه الغاليه
بس انا عيااازه تصدقين خاطريه استمر عليه
او حتى استمر على شوربة الملفوف مع اني مب انا اللي بسوي بعلم الخدامه لكن منوا يقول اني استمر
اعرف عمريه
وان شاء الله تضعفين
مآ شآلله حلو نظآمج ..،
ونزولج في معدله آلطبيعي ..،
وآصلي غنآتــي وربي يوفقج ان شآلله ..،
؛؛
بس عندي ملاحظه
لا تكثرين من شاي رويااال
مب زين اتعودين عمرج ع الشاي
بعدين يوم بتعودين ما بتقدرين اتروحين الحمام
للي به
موفجه