انا بسافر ماليزيا شو الاغراض الازمه

السلام عليكم ورحمة الله وبركاته

خواتي انا بسافر ان شاء الله ماليزيا بس ابغي اعرف شو الاغراض الي لازم اشلها علماَ عندي ياهل عمره 3 اسنين ونص ؟

دواء الكحه بروسبان + كالبول او ادول مخفض الحراره +مقياس الحراره بتحصلينه في بيبي شوب + فكس + تعرفين قطور الاذن والا نف لان جوهم فجأه مطر وفجأه يتغير
وعلشان يلتهي خذيله العاب او الكيم بوي علشان ينشغل ودفتر تلوين ……………
وطبعا دايما خلي معاج وجبة السناك يعني شي خفيف ياكله علشان ما يحس باليوع
انا هالشي سويته مع عيالي واستفدت خذيلهم كيمرا تصويرمال المقصه واونهم يصورون وملتهين في التصوير
ورحله موفقه انشاء الله

مرحبا كتكوتة ابوها
انا بعد بروح ماليزيا ان شاء الله وعندي طفلين 2 – 4 سنوات
واتمنى ان البنات يردون علينا وانا متأكده انهم ما بيقصرون

مشكورة ميثانو ع المعلومات……

انا عندي طفل وعمره 10 شهور عادي اخذ له حليب ف الطياره ولا ممنوع ؟وشو الاشياء اللي اقدر اشلها معاي له ف الطياره؟

انا بعد بروح الثلاثا الياي بس ماعندي اي خبره بالنسبه للاطفال

اذا تبين لج انتي ممكن اساعدج شوي

والبنات مايقصرن

خذي الحليب هناك في الطياره طلبي الماي من عندهم وانت في البيت وفريله وجبة العيش المهروس مع البطاطا والزبادي في بوكس اصغير يمكن يجوع في الطياره وخذيله نوع من البسكوت اللي يحبه من غير جوكليت علشان ما يوصخ ..
لانه اي شئ سائل ممنوع في الطياره … وعلى حسب الرحله اذا طويله ولاااا