اول شي المواضيع اللي تعترضون عليها في هالقسم وكل يوم موضوع جديد عن المواضيع اللي تقولون ان فيها قلت ادب وتخرب عقول المراهقات ومن هالكلام..في ذمتكم احنا في اي زمن في الستينات ولا في الخمسينات..اي مراهقات انتوا تتكلمون عنهم اللي عقولهم بتخترب ..جيبي لي مراهقه ما تعرف كل شي عن الحياه الزوجيه او حولها الفضائيات ما قصرت والاعلام ما قصر فتح عقول الكل مراهقات شابات حتي العيايز قاموا يتشببون..وانا ما اقول ان في بنات ما يعرفون شي لا في بنات جذي بس نادرين..وبعدين المنتدى اسمه منتدى المشاكل الاجتماعيه يعني اي مشكله اغتصاب ,مشاكل زوجيه ،عائليه المفروض تكون في هالقسم مو في مكان ثاني ولا بس المشاكل اللي تعجبنا تعالوا عرضوها واللي مب عاجبتنا خلنا نهاجمها عشان تنحذف او نخلي راعيه الموضوع تتحسف انها كتبته..وبسنا اعتراض على اي ظاهره تطلع كل المشاكل اللي يكتبونها صدق او كذب موجوده وكلنا نسمع بها بس احنا نحب نغمض عيونا عنها..انتوا تشتكون من المواضيع اللي ما تعجبكم ..ياناس الله لايهينكم لا تدخلون الموضوع اقروا العنوان او حتي اذا مليتوا من المواضيع كلها لاتدخلون هالقسم..محد يقدر يجبر حد على الدخول والرد على المواضيع..انا اللي اعرفه ان كل وحده بتكتب مشكله تبي حل او تبي اجابه لسؤال يدور في داخلها كانت قصتها حقيقيه او لا ..واعتقد احنا نساعد بناتنا وننصحهم احسن بدال ما نقولهم لا تعرضون المشكله وامشوا في الطريق الغلط..والصراحه انا اشوف ردود البنات على هالمواضيع هي اللي تخدش الحياء اكثر من الموضوع نفسه..من يومين في عضوات طاحوا في بطن وحده لانها عرضت مشكله اللواط وللاسف هالمشكله معروفه من زمان بس طبعا احنا نبي نبين ان المشكله انقرضت واو نعمي عينا عنها صح..عشان جذي هات يا هجوم عليها وخليناها كذابه وشوهت سمعت صديقتها وشهرت فيها وحذفنا عليها كلام لين ما انحذف الموضوع عشان غايه في نفسنا اللي هي احنا مجتمعنا نظيف وما فيه هالسوالف واذا فيه استري ولا تتكلمين عشان بناتنا ما يعرفون وكانكم تقولون خلوا الشباب يقصون عليهم ..في ذئاب بشريه تخلي الحرام استغفر الله حلال وتزين الغلط في عيون بناتنا وهذا غير الخربطه اللي في النت من مواقع وافلام تزين الحرام في نظرهم..والموضوع الثاني عن البنت اللي تعرف واحد من 6 سنين ..بعض العضوات خلوها رخيصه وصايعه وراعيه شباب وتكلموا عن عرضها وعن كرامتها وكلام ما ينقال ليش…؟؟ بس احنا ما عندنا بنات في مجتمعنا يعرفون شباب واذا في بنات جذي احنا نعرف بس ساترين عليهم !!!! انتي يا كاتبه الموضوع تجاهرين بالمعصيه..يعني بالعربي اسكتي وتمي على غلطج ولا تطلبين النصيحه لانج بهالطريقه تجاهرين بغلطج وكانج فرحانه به وهاي فكرتنا عنج..ونسوا انها في امس الحاجه لنور ينور طريقها للصح مو هجوم يخليها تنفر ممن الصح وتقعد في الغلط ..
ثاني شي
صراحه في عضوات في هالمنتدى ما عندهم الا الشماته والكلام اللي يغث وعاد انهم ينصحون ويشوفون نفسهم احسن عن الناس وكان اللي عنده مشكله اقل من مستواهم وينظرون له نظره دونيه وينصحون بطريقه تخلي الواحد يتنرفز ولما يرد عليهم يقولون كلام ما ينقال وانتي حطيتي مشكلتج وطلبتي راينا استحملي وللاسف يدل على شخصياتهم اللي يبي ينصح يقول خير او يسكت اللي يشوفهم يقول كان الدخول اجباري وصاحبه الموضوع غاصبتهم على الرد ويطيحون في بطنها ويتمون في الموضوع رايحين جايين لين يخلونها تتحسف انها كتبت المشكله وحتى لوما ردت عليهم يقعدون يحذفون كلام وكلام لين تتنرفز وترد ويتسكر الموضوع والمشكله يقولون الله والله انا ما اتذكر الايه بس الله يقول لوكنت فظا غليظ القلب لانفظوا من حولك..الدين ما قال افرضوا الصح واللي يغلط لازم ما نخلي كلمه ما نقولها عنه عشان يمشي على الصراط المستقيم.. الدين النصيحه مو هواش وتحذف كلام وطعن في الشرف وهالكلام.. يقولون ربنا وربنا وما يخافون ان كل كلمه محسوبه عليهم والعرض والاهانه والشماته والمعاير هذا الله يسامح فيه.
ثالث شي
بعض العضوات طايحين في هالكلمتين تشهير وفضايح ..يقولون ان اللي يكتب المشكله يشهر ويفضح المشكله هي ما كتبت اسم ولا قالت هذي فلانه بنت فلان واتحدى اي عضوه تقدر تعرف راعيه الموضوع او اي معلومه عنها واحتى رفيجتها اللي طلبت نشر موضوعها بس بعد يعتبرونه تشهير عيل كل وحده بتكتب عن زوجها او عن ابوها او عن اخوها بعد قاعده تشهر ويمكن تكذب ويمكن ويمكن ولا بس الموضوع اللي ما يعجبنا قلنا فضايح وكذب ومن هالكلام ..بعدين في عضوات يشوفون ان هالقسم هو مكان ممكن يفضفضون فيه بدون ما احد يعرفهم عشان ما تصير مشاكلها مع اهلها او زوجها حديث العايله يعني انا بكتب هنيه وبسمع كلمه تطيب الخاطر ولا اروح افضح عمري واصير علج في حلج اللي يسوا واللي ما يسوى من اهلنا او جيرانا او الفريج كله..المشاكل تختلف كبيره وصغيره بس بعد تتم مشكله والمنتدى ما حط هالقسم الا لعرض المشاكل والمشاكل الاجتماعيه مو المشاكل اللي تعجبنا بنعرضها واللي ما تدخل مزاجنا المفروض نحذفها..الله يعين الاداره و الاعضاء اذا في ناس جذي..
واخيراااا
احب اقول للاخت هيا..ان انا تعجبني ردودها وايد وياليت الكل يقتدي بها لان عندها اسلوب في الرد راقي وتنصح بطريقه لا تجرح ولا تقلل من المشكله او من احترام الاخت اللي كاتبه المشكله..واتمنى في يوم اكون في مستوها الفكري وحكمتها في الرد..والله يكثر من امثالج يالطيبه..
واسمحوا لي اذا طولت في الموضوع بس هذا كله عشان هالمنتدى اللي احبه وايد ..والسموحه اذا في حد ما عجبه كلامي..وياليت محد يحذفني بقنابل واللي بتحذفني بسوي لها طاف..لان انا عرف ان في ناس بتهاجم عشان يتسكر هالموضوع..
عاااااااااااااااااااااااااااااااااااااااااااااااشت بنت ابوها خخخخخ
صدقج ذبحونا الصراحه كم مره سكرو مواضيعي الله يهداهم بس عطيتيهم شغلهم عدل
المشاركة الأصلية كتبت بواسطة مذهــله 
اكثر من جذي انفجار..انا اتوقع ان انا بنطرد من المنتدى..
يا اختي انا قلت اللي عندي وعلى الاقل فضفضت وعاد اسمعوا خير وبركه ما سمعوا الله يهديني ويهدي الجميع..
الواحد يبا حد يبتعد عن حد ينصحه بالكلام الطيب