هلا وغلا بخواتي الغاليات بخبركم سالفتي من طأطأ ل السلام عليكم وانتو احكموا اذا انا منحوسه دراسيا او لا
شوفو يالغاليات(خلوا اذانكن صاغيه ) قصدي عيونكم مبققه
تخرجت من الثانويه العامه بنسبه 95% قسم الادبي (قولوا ماشاء الله )احم احم
بس هالكلام صارله الحين سبع سنين او 8 بالكثير المهم وعقب كنت مفكره اكمل دراستي في كليه الدراسات الاسلاميه اللي في دبي اكيد تعرفونها
وكنت اتحلم فيهاوخلاص خاطري ادشها واتريا يوم التخرج عسب ادخل (المهم فكينا)
انزين ابويه الله يخليه ويحفظه قالي ليش ماتسيرين التقنيه لاني كنت مقدمه عنهم وعلى ايامهم كان لافيه امتحان سيبا ولا شي وانا الخديه قلت لااااااا مصره ابا كليه دبي قصدي ام الدراسات
انزين ابويا بالغصب جبرني ووداني الكليه قصدي التقنيه وسرت حضرت وكانو مسوين محاضره او مقبله يعني ماعرف شو بالضبط المهم ميمعين بنات الثانويه ويالسين يهذربون
وعقب ماطلعت نتايج الثانويه وطلع اسمي بالجريده اني انقبلت في التقنيه (لا وكان ثاني اسم بعد ااااااااخخخخخخخخخ بسسس)
المهم انا لبستهم وما داومت وكنت اداوم في كليه دبي
اووووووه نسيت اخبركن اني كنت مالجه وبعرس ومن عرست عقبها بعشر ايام ريلي كانت عنده دوره في المنامه او جزيره الحمرا لمده تقريبا 5 شهور
وانا يلست بيت اهليه وكنت اداوم واروح الكليه ومرت سنه يالله بالزور طوفيتها
ع السنه اليايه خلاص قلت ماروم اروح دبي وارد خط وزحمه وحررررررررر وقلت بوقف ووقفت وطلعت وانا الغبيه الخديه المخدايه الثوله الهبله العبيطه (اذا فيه بعد كلمه حطوها)
يلست في البيت دقت فيني العيازه يعني يلست لاشغله ولا عمله لين مايبت الولد الثالث
اهنيه عنت عليا الدراسه وقلت خلاص بكمل
صار هالكلام سنه 2024
انزين وعاد تعالي راكضي التقنيه (قبل كانوا يركضون ورايا والحين العكس )
وماخليت واحد ولا وحده ما سمت ويهي عنده ومافيه فايده (اونه الاولويه للجدد )
يعني لازم اعيد الثانويه مره ثانيه مافيه الا هالحل وهذا كان اصعب حل عندي خصوصا انهم زادو بعض المواد العلميه وانا ميييييييييييييييح فيها
قلت يلا بتوكل على الله وبعيد
وكنت اسير وامتحن مسائي وولدي عمره 3 شهور (خلوه ها على صوب ) قمه القهر والندم على نسبتي الجديمه اللي كانت 95 الحين لو انقع اني مايبت جريب منها
اهئ اهئ كنت اصيح على التعب وعلى النسبه اللي راحت ببلاش
المهم نجحت وكنت اتريا النسبه كم تتوقعون؟
78 ونص الحمدلله على كل حال واختي امتحنت ثانويه ويابت 75 خخخخخ انا اكثر
الحين يينا للجد
انقبلت في الكليه وماتتوقعون فرحتييييييييييييييييييي يعني شي وحصلته عقب تعب وسهر وصياح ودخلت اول سنه عديتها على خير بس للاسف رسبت في الماث (كنت فاونديشن)
والله العظيم صععععععععععععععب عاده انا مااداني الهندسه هاي عقدتي المعقده وقالولي خلاص امتحني ماث مره ثانيه وكملي
سرت كلمت السوبرفايزر عسب انزل دبلوم(هالكلام صار على السمستر الثاني) قلت لها انا ماقدر انجح لانه صعب وانا اعرف عمري يعني عندي 3 اطفال ماقدر والله ماقدر قالت لي لا كملي المهم كملت ورسبت على السنه الثانيه قلت خلاص بروح ارمسهم عسب ينزلوني دبلوم وعلى حظي غيروا برامج الكليه وغيروا السوبرفايزر وسرت ارمسه واصلا كنت حامل وبربي على شهر واحد يعني قلت خلاص بوقف هالسمستر وبكمل عقب ماربي واباهم ينزلوني دبلوم وسحبت ريلي ويايا اونه عسب يتفاهم عدل وياهم بالانجلش دارس بلندن الاخ وبيعرف يمشي عمره وسرت عند السوبر مالنا ويلست ارمسه واشرحله وماعرف شو وبو الشباب ساكت (طلعت موهينه بالانجلش) انزين المهم قالي خلاص امتحني وكملي قلته لا ماقدر صعب ادري برسب قالي كملي انتي يعني درجاتج جريبه من النجاح (انزين جان نجحتوني شو هالقهر)
قلت له لا ابا انزل دبلوم واوقف لاني اخاف اربي على شهر واحد واخاف اطوفني الامتحانا يعني جيه ولا جيه انا هالسمستر بيطوفني
قالي شوفي بعطيج اياها من الاخر
عندج 3 اشياء اختاري منهم
تبين اتكملين الفاونديشن بنحطج سنه ثانيه بس تحملين معاج الماث ولازم (اصر عليها )لااااازم تحضرين حصص تقويه طول هالسنه ولازم نشوف حضورج واذا ماحضرتي ماشي امتحان(شفتوا النذاله )
او انج تنزلين دبلوم بس تتريين في الويتنج ليست لانه ماشي مكان(هاذي سالفتها سالفه يايتنكم اصصبروا)
او انج توقفين هالسنه بطولها وعلى السنه اليايه تعالي وبنحطج اللي تبينه دبلوم او كملي فاونديشن وشوفو شو قال (هالسنه فرصه عسب اتفكرين شو تختارين دبلوم او دبلوم عالي وكتب هالشي في ورقه جدامييي)
المهم اخترت ثالث حل وقلت يلا كل تاخيره فيها خيره
انزسن على شهر 4 اللي طاف قلت بنسير الكليه بنشوف شو صار سرت رمسته وقالي ترا ماوعدج لازم انحطج في الويتنج ليست (انقهههههههههههههههههرت) امهم عبيت ورقه ماعرف مال شو وقالولي بندقلج اخر 8
وانا اتحرقص طول الشهور واخييييرا دقوا
وقالولي اسمحيلنا ماشي مكان وعلى السمستر الياي اذا بتتريين يمكن (يقولون يمكن)نحصلج مكان
بغيت اموت قلت لا خلاصصصصصص كل هالتعب سار ع الفاضي والله حراااااااااااام محد يحس فينا يعني لازم الواحد تصير له ظروف بيوقف سنه او سمستر خلاص يعني اذا وقفنا ضاعت دراستنا وتعبنا والاولويه لليداد
المهم سحبت ريلي اليوم وسرت ارمس هالسوبر فريزر اف منه
وسرنا ويلسنا نترياه يمكن نص ساعه مادري وين ساير وعقب شفت سكرتيرته ورمستها قالت لي اتصله على موبايله بس مايرد نزلت رمست البنات اللي في الاكاديميك قالولي كلميه هو احسن (انزين هو محد متى اييله يعني وريلي مايروم ياخذ اجازه كل يوم ويوديني)
شفت واحد ينقاله ديمتري المهم دشيت غرفته ومن القهر طلعت اللي في جبدي كله وطلع الريال لبناني وزين بعد(يعيش العربي) رمسته بالعربي قصدي وفهمته السالفه واترجيته يساعدني قالي بنشوف بس ماوعدج واذا حطيناج يمكن يكون مسائي مش صباحي
خذ اسمي والايدي ورقم موبايلي
شوي ولا يخطف السوبر مالي قالي خلاص بسير ايلس ارمسه وبنشوف (ساروا ولا رجعوا )ونحن نتريا تقريبا ساعه مافي رد قلنا خلاص بنكتب رساله حق ديمتري وبنحطها على مكتبه يمكن يرد يرمسنا ولهذي الساعه مافي لا حس ولا خبر (ارمس مصري تفيجه الاخت)
الحين انا محتاره واتاكدت اني اكبر منحوسه
اولا ليش يعني انا بالذات حطوني في الويتنج ليست فيه وايد بنات معايا في الكلاس رسبن ونزلوهن سيده دبلوم لا ويتنج ولا وقفوهم اشمعنى انا بالذات مع انه الانجليزي عندهم اهم من الماث
ما بتصدقون اذا خبرتكم اني انا الوحيده من كلاسنا اللي سوو معايا هالحركه السخيفه
يعني انا مش صغيره عسب اوقف سنه او سنتين مابي اضيع عمري وانا اسمي ع الويتنج ليست
اخخخخخخخخخخخخخخخخخخخخخخ بس ياليت سمعت رمست ابوي وكملت جان الحين مخلصه من زمان
بنات نصيحه الله الله بالعلم لاتهدون دراستكم بعدين بتتندمون شراتي
الحين عقب ماخبرتكم الفلم الهندي قصدي معاناتي مع الدراسه والله يابنات ماتتصورون اشكثر تعبت عسب اكمل دراستي اسوم ويهي عند فلان وعلان وبعد ماشي فايده
وفيه اشيا ماقدرت اذكرها لاني لو كتبت ما بتكفيني الصفحه
اسفه طولت عليكم
ابا اي حل يساعدني او اذا فيه وحده تروم تساعدني او ادلي على شخص يساعدني بعد الله سبحانه
ادعولي الله يخليكم الله يخليكم انه الله يوفقني ويلين راس هالسوبر فريزر العنيد
سبحانك اللهم وبحمدك اشهد ان لا اله الا انت استغفرك واتوب اليك
بااااااايووووو
أخ ….أكره التقنياااااااااات كلهااااااااا…..<<<< تراج منهم و فيهم
حبوبه….ما اريد احبطج..بس دوم دوم دوووووووم حلول التقنيات معقده…
مالج الا واااااااسطه ..او انج تزنين زن عند الاداره
و الله يوفقج يا رب[
و الافضل انج تطنشين كل السوبرفايزر…و ترمسين المدير دايركت و شوفي شو بيقول لج
طمنينااااااااا
/B]
عنبوا 23 مرن ولا وحده ردت ليييييييييييش ؟
دعاااائج يكفيني يزاج الله خيييييييييير
وااايد كااتبه وناا أصلا مصدعه وماعندي حبه بندول أخ أخ ههه
المهم الغاااااااااااليه تقريباً قصتج شرات قصتي
بس انتي شوي جديمه من متى مخلصه ماشاء الله ^.^
انااا ودرت الكليه ومارحت الكل زعل علي والكل قال كملي
بس انا تعايزت .. عقب يتني حاله قلت بكمل مابي اتم يالسه في البيت
وشوو سوويت يلست اتراااااااااااااكض ورا الكليااااااااات ركض
كليه الشارجه غربلتني تغرببببببببيييل لوعووا بجبدي حاولت وياهم
على آخر لحظه اووونه مااايصييير خلاص نحن وقفنا التسجيل لنه فووول مانستقبل
المهم قلت خلاص مابي كليتكم بسير كليه ثانيه
رحت لدبي وتراكض وراااهم وحااولت ويا خدمة الطالباات خبرتهم عن وضعي وجي
قالوا اتصلي في الشارجه وقوليلهم عن امتحاان الفاونديشن بعد ماشي فايده………………أألخ
وعلى آآخر لحظه اتصلت في كليه دبي وخبرتهم الاخت الطيبه ماقصرت خذت رقمي <<جان خذوا رقمي من زمان T.T
وقالت يوم الادااره بداااوم بترد علييييج ..
وعقب هالسالفه بأسبووع انا راقده أشااخر الساعه 3 الظهر
وصلني اتصال 04 ونا مابي ارد مب فايجه عقب قلت خلاص برد ابرك
وفاااجئوووني ان الكلييييييييه قبلتني الحمد لله وبيكوون عندي امتحاان الفاونديشن شهر 12
والدوااام شهر 2 لني من المتأأخراااااااااااات والكل فرح ^______^
يختيييي جربييي في كلييييه دبي احتماااال تحصلين كرسي …….
وقدمت اوراقي في دبي وقالولي مالي مكان ووايد زعلت لاني كنت شاطره
والحين ريلي موول مب مخلني اكمل وخاطري ادرس في كليه الدراسات بس شورايج اختي الدلوعه